ទាក់ទងគ្នាជាងកន្លះឆ្នាំ ទីបំផុត Boy ទម្លាយរឿង Save ឈ្មោះ Faye ដាក់ក្នុងទូរស័ព្ទដៃហើយ!

បើគិតមកទល់និងពេលនេះ តារាសម្ដែងថៃល្បីឈ្មោះលោក Boy Pakorn និងតារាស្រី Fayefaye មានទំនាក់ទំនងស្នេហានិងគ្នារយៈពេលជាងកន្លះឆ្នាំហើយ ហើយថ្មីៗនេះលោក Boy ក៏ទើបតែនាំ Faye ទៅជួបក្រុមគ្រួសារញាំអាហារជុំគ្នាយ៉ាងសប្បាយរីករាយផងដែរ។

យ៉ាងណាមិញដោយសារតែកន្លងមក ហ្វេនៗជាច្រើនតែងតែចង់ដឹងថារាល់ថ្ងៃនេះលោក Boy Pakorn បាន Save ឈ្មោះតារាស្រី Fayefaye នៅក្នុងទូរស័ព្ទយ៉ាងដូចម្ដេច ទើបតពេលថ្មីៗនេះលោក Boy បានបង្ហើបយ៉ាងដូច្នេះថា៖

«ក្នុង Line ខ្ញុំ Save ឈ្មោះ ដាក់ថា Faye តែម្តង តែក្នុងទូរស័ព្ទដៃខ្ញុំ Save ដាក់អក្សរកាត់ថា K.F ដែលមកពីពាក្យកាត់ថា Khun Faye ឬកញ្ញា Faye ដោយខ្ញុំប្រើពាក្យនេះគឺដោយសារ រាល់ពេលជួបគ្នា ឬ និយាយគ្នា Faye តែងហៅខ្ញុំដោយប្រើពាក្យ «ឃុន» ពីមុខ ហើយខ្ញុំក៏ចាប់ផ្តើមទម្លាប់ហៅ Faye ដោយប្រើពាក្យ «ឃុន» ពីមុខវិញដូចគ្នា»៕

សូមទស្សនារូបភាពខាងក្រោមនេះ៖

អត្ថបទដោយ៖ស៊ីវលី