សេដ្ឋីស្រីវ័យក្មេង! ផ្ទះ Penthouse ដ៏ប្រណីតតម្លៃរាប់លានរបស់ Jennie BLACKPINK បានក្លាយជាប្រធានបទក្ដៅគគុកលើបណ្ដាញសង្គម!
Jennie BLACKPINK ដែលថ្មីៗនេះមានពាក្យចចាមអារ៉ាមថាមានស្នេហាជាមួយ BTS ‘V បានចាប់ផ្តើមឆានែល YouTube ដើម្បីអបអរសាទរខួបកំណើតរបស់នាងកាលពីខែមករា និងបង្ហាញពីជីវិតប្រចាំថ្ងៃរបស់នាងនៅក្នុងវីដេអូដំបូង។ បន្ទាប់ពីវីដេអូនេះត្រូវបានចេញផ្សាយ គេក៏បានឃើញនូវផ្ទះរបស់ Jennie ដែលមានភាពសាមញ្ញ តែមានតម្លៃថ្លៃ ។ផ្ទះវីឡាប្រណីតរបស់ Jennie មានទីតាំងនៅ Hannam-dong ដែលជាតំបន់មួយក្នុងចំណោមតំបន់ដែលមានអ្នកចំណូលខ្ពស់ 1% រស់នៅក្នុងតំបន់នេះ។
ផ្ទះរបស់ Jennie ជាផ្ទះPenthouse 2 ជាន់ មាន 4 បន្ទប់គេង និង 3 បន្ទប់ទឹក។ ផ្ទះនេះមានទំហំ 430 ម៉ែត្រការ៉េ ដែលមានតម្លៃ 6 ពាន់លានវ៉ុន មានសុវត្ថិភាព មានបរិយាកាសស្ងប់ស្ងាត់ ។ តារាល្បីៗ អ្នកនយោបាយ និងអ្នកជំនួញលំដាប់កំពូលក្នុងប្រទេសកូរ៉េ រស់នៅក្នុងតំបន់នោះផងដែរ។ អ្នកនិយមលេងអ៊ីនធឺណិតមានការភ្ញាក់ផ្អើលចំពោះភាពប្រណីត និងបានជជែកគ្នាជាច្រើនអំពីទ្រព្យសម្បត្តិរបស់ Jennie។
Eriya