ក្នុងព្រឹត្តិការណ៍នេះអាចប្រាប់បានថាទីក្រុងប៉ារីសច្បាស់ជាហតខ្លាំងជាក់ជាមិនខាន នៅពេលដែលកំពូលតារាល្បីៗចំនួន 3 មកពីកូរ៉េខាងត្បូង Park Bo Gum, BTS V និង Lisa (BLACKPINK) បានទៅទីក្រុងប៉ារីស ប្រទេសបារាំងតាមយន្តហោះឯកជន ដើម្បីចូលរួមកម្មវិធីបង្ហាញម៉ូត Celine Men’s Summer 2023។ ពេលនេះអ្នកទាំងបីបានទៅដល់ទីក្រុងដែលល្បីខាងហ្វេនសិន និងទឹកអប់រួចហើយ អ្នកគាំទ្រជុំវិញពិភពលោកមានភាពសប្បាយរីករាយជាខ្លាំង។
ហើយគេក៏ឃើញ #LisaTaehyungBogumXCeline កើនឡើងនៅក្នុងបណ្ដាញសង្គមពេញមួយយប់។ ថ្មីៗនេះ V (Kim Taehyung) សមាជិកក្រុម BTS បានបង្ហោះរូបភាពស្វាគមន៍ ARMYs (ឈ្មោះក្លឹបអ្នកគាំទ្រ) ជុំវិញពិភពលោក បន្ទាប់ពីបានទៅដល់គោលដៅដោយសុវត្ថិភាព។
ក្នុងរូបភាពនេះដែរ ក៏គេបានធ្វើការប្រៀបធៀបជាមួយនឹងរូបរបស់LISA ដែលបានផុសក្នុងIGរបស់ខ្លួនដើម្បីប្រាប់ហ្វេនBLINKថាខ្លួនមកដល់គោលដៅដូចគ្នា។ អ្វីដែលធ្វើឱ្យគេរំភើបនោះគឺរូបភាពទាំំងពីរមានលក្ខណៈស្រដៀងខ្លាំង ដោយLISA និងV សុទ្ធតែធ្វើមុខបែបខ្ចិលអង្គុយទ្រេតលើកៅអីនំាឱ្យគេគិតថាអ្នកទាំំងពីប្រាកដជាកូពីស្តាយគ្នាជាមិនខាន។
Eriya