ពេជ្រធំណាស់! ទីបំផុត Weir បង្ហាញរូបបំពាក់ចិញ្ចៀនរៀបការទៅកាន់អនាគតភរិយាខ្លួនហើយ!(មានរូបភាព)
ដូចប្រិយមិត្តគ្រប់គ្នាបានជ្រាបអញ្ចឹងថា កាលពីថ្ងៃទី ០១ ខែកក្កដា ឆ្នាំ២០២២ តារាប្រុស Weir Sukollawat បានបង្ហើបចំពោះមុខអ្នកសារព័ត៌មានខណៈលោកចូលរួមក្នុងកម្មវិធីមួយ ដោយបាននិយាយថា លោកត្រៀមចូលរោងការនៅថ្ងៃទី ១៧ ខែកក្កដា ឆ្នាំ២០២២ ខាងមុខនេះ ហើយថែមទាំងបង្ហើបទៀតថា ចង់មានកូនឆាប់ៗបន្ទាប់ពីរៀបការរួចថែមទៀតផង។
មិនត្រឹមតែប៉ុនណោះ ស្រាប់តែនៅថ្ងៃទៅ០៣ ខែកក្កដា ឆ្នាំ២០២២នេះ លោកក៏បានធ្វើការបង្ហោះរូបភាពបង្ហាញពីសកម្មភាពលោកបំពាក់ចិញ្ចៀនរៀបការទៅកាន់អនាគតភរិយាខ្លួន ជាមួយចិញ្ចៀនដាំពេជ្រយ៉ាងធំ និងថែមទាំងរៀបរាប់សារយ៉ាងដូច្នេះថា៖
«ខ្ញុំធ្លាប់តែធ្វើរឿងនេះនៅក្នុងរឿងភាគ...ទីបំផុតខ្ញុំពាក់ចិញ្ចៀនពិតហើយ អរគុណរាល់ការជូនពរ រាល់ការលើកទឹកចិត្ត និងការគាំទ្រដែលអ្នកបានផ្ញើជូនពរដល់ពួកយើងទាំង ២។ សូមអរគុណទាំងអស់គ្នាណា៎ បាទ!!!»
ក្រោយពេលឃើញបែបនេះ មហាជននិងហ្វេនៗជាច្រើនពិតជារំភើបចិត្ត ជាពិសេសមិត្តភក្ដិក្នុងសិល្បៈជាច្រើនរបស់លោកក៏បាននាំគ្នាចូលរួមអបអរសាទរផងដែរ៕ សូមទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី