អូហូ! កាន់តែផ្អែមល្ហែមហើយ Songkran បណ្តើរ Matt ពេញមុខទៅជួបក្រុមគ្រួសារតែម្ដង!(មានរូបភាព)

ពិតណាស់ពីមួយថ្ងៃទៅមួយថ្ងៃ ទំនាក់ទំនងស្នេហារវាងតារាសម្ដែងថៃស្រីរូបស្រស់កញ្ញា Matt Peranee និងបុរសពោះម៉ាយទ្រព្យស្តុកស្តម្ភលោក Songkran កាន់តែផ្អែមល្ហែមខ្លាំងឡើងៗ ទោះបីជាពេលខ្លះនៅតែមានពាក្យមិនពេញចិត្តពីមហាជនក៏ដោយ។

ជាក់ស្ដែងកាលពីពេលថ្មីៗនេះ ក្រុមគ្រួសាររបស់លោក Songkran បានរៀបចំកម្មវិធីមួយឈ្មោះថា «King of Battle SEASON2» ហើយក្នុងនោះគេក៏បានឃើញវត្តមាន Matt ទៅចូលរួម និងបានថតរូបជុំគ្រួសារជាមួយនិង Songkran យ៉ាងសប្បាយរីករាយថែមទៀតផង។

ក្រោយពេលឃើញបែបនេះ មហាជនជាច្រើនបានសម្ដែងការរំភើប ព្រោះបានឃើញ Matt ​បង្ហាញខ្លួនយ៉ាងពេញមុខពេញមាត់ ជាមួយនិងគ្រួសារលោក Songkran ដែលមើលទៅទំនាក់ទំនងរបស់ពួកគេគឺកាន់តែល្អ និងប្រហែលជាអាចមានដំណឹងល្អឆាប់ៗនេះក៏ថាបានដែរ៕ តោះ! ទៅទស្សនារូបភាពខាងក្រោមនេះទាំងអស់គ្នា៖

អត្ថបទដោយ៖សុីវលី