ភ្ញាក់ផ្អើល! ទូរទស្សន៍ប៉ុស្ដិ៍លេខ៧ថៃ កំពុងចង់យកតារាប្រុសរូបនេះឡើងកំពូលជំនួសតំណែង Weir Sukollawat!

ដូចប្រិយមិត្តបានជ្រាបអញ្ចឹងថាលោក Weir Sukollawat គឺជាតារាសម្ដែងលំដាប់កំពូលប្រចាំទូរទស្សន៍ប៉ុស្ដិ៍លេខ៧ថៃ ព្រោះតែលោកតែងតែលេចមុខក្នុងខ្សែភាពយន្តភាគ ជាមួយនិងកំពូលតួឯកស្រីជាច្រើន។

ដោយឡែកស្រាប់តែក្នុងឆ្នាំនេះ គេសង្កេតឃើញទូរទស្សន៍ប៉ុស្ដិ៍លេខ៧ បានព្យាយាមលើកតម្កើន តារាប្រុសកូនកាត់រូបសង្ហាមួយរូបផ្សេងទៀតគឺលោក Mik Thongraya ដោយបានផ្តល់ឱកាសឲ្យលោក បានសម្តែងរឿងល្អៗជាច្រើន ជាមួយនឹងតួឯកស្រីដែលសុទ្ធសឹងតែមានកេរ្តិ៍ឈ្មោះល្បីល្បាញប្រចាំប៉ុស្តិ៍តែម្តង។

ជាក់ស្ដែងដូចជាពេលនេះ លោក Mik Thongraya កំពុងតែសម្តែងខ្សែភាពយន្តថ្មី ជាមួយនឹងតារាសម្តែងស្រីពោរពេញដោយទេពកោសល្យគឺ កញ្ញា Min Pechaya ដែលមានចំណងជើងថា «Sapai Inter»។

ហើយមិនត្រឹមតែប៉ុនណោះ ខាងប៉ុស្ដិ៍ទូរទស្សន៍ថែមទាំងឲ្យតារាប្រុសរូបនេះ ដើរតួឯកសម្តែងខ្សែភាពយន្តថ្មីមួយទៀត ជាមួយកំពូលតារាសម្តែងប្រចាំប្រទេសកញ្ញា Aum Patchrapa ដែលមានចំណងជើងថា «Jark Sadtroo Soo Huajai» ថែមទៀតផង។

ពិតណាស់ក្រោយពេលដែលអ្នកគាំទ្របានឃើញដូច្នេះ ធ្វើឲ្យគ្រប់គ្នាសង្ឃឹមថាលោក Mik Thongraya និងកាន់តែមានប្រជាប្រិយភាពខ្លាំង ក្រោយពេលដែលរឿងភាគទាំងពីរនេះចាក់បញ្ចាំងនៅលើប៉ុស្ដិ៍ទូរទស្សន៍៕

អត្ថបទដោយ៖សុីវលី