មិននឹកស្មានសោះ! Peach បែកពី Pat មិនទាន់បានប៉ុន្មានផង ត្រូវអ្នកគាំទ្រចាប់គូជាមួយតារាស្រីម្នាក់នេះទៀតហើយ!
ប្រិយមិត្តជាច្រើនប្រាកដជាបានជ្រាបហើយថា ពេលនេះស្នេហារវាងតារាថៃលោក Peach Pachara និងកញ្ញា Patricia Good បានបញ្ចប់ហើយ ក្រោយពេលដែលពួកគេបានប្រកាសចែកផ្លូវគ្នាជាផ្លូវការមក។
យ៉ាងណាមិញក្រោយពេលចែកផ្លូវគ្នាមិនបានប៉ុន្មានផង ស្រាប់តែកាលពីពេលថ្មីៗនេះ Peach បានបង្ហោះវីដេអូលេងguitar លើ Instagram ផ្លួវការរបស់ខ្លួន ហើយក្នុងនោះអ្វីដែលធ្វើឲ្យមហាជនចាប់អារម្មណ៍ គឺគេបានឃើញតារាស្រី Bow Maylada ចូលទៅ Cmt ថា «Good» ហើយមិនត្រឹមតែប៉ុនណា គេឃើញនាងតែងតែចូលទៅ Cmt ពាក្យលើកទឹកចិត្តជាច្រើននៅលើរូបភាពដែលលោក Peach បង្ហោះទៀតផង។
លើសពីនេះទៅទៀត កាលពីពេលថ្មីៗនេះទៀត Peach បានធ្វើការផ្តល់បទសម្ភាសន៍មួយជាមួយអ្នកកាសែត ទាក់ទងនឹងទំនាក់ទំនងលោកនិង Bow ដោយក្នុងនោះលោកបាននិយាយថា លោកធ្លាប់ជួបគ្នាជាមួយនិង Bow ម្ដង តែកន្លងទៅយូរដែរហើយ ហើយក៏មិនសូវជាស្និតស្នាលដែរ តែលោកក៏អរគុណដែល Bow តែងតែបញ្ចេញពាក្យលើកទឹកចិត្តល្អៗជាច្រើនដល់លោក។
ក្រោយពេលឃើញបែបនេះ មហាជនជាច្រើនក៏បាននាំគ្នា ចង់ចាប់គូឲ្យតារាទាំងពីរដួងនេះ ព្រោះឃើញថាអ្នកទាំងពីរចេះយល់ពីគ្នាទៅវិញទៅមក ថ្វីត្បិតតែពេលនេះមិនសូវស្និតស្នាលគ្នាក៏ដោយ៕
អត្ថបទដោយ៖សុីវលី