តារាស្រីថៃទាំង ៥ រូបដែលស៊ីថ្លៃជាងគេនៅក្នុងប្រទេសថៃ

ក្រៅពីមានរូបសម្រស់ស្រស់ស្អាត និងមានថ្វីដៃក្នុងការសម្ដែងតារាស្រីទាំងអស់នេះហើយដែលជាតារាស្រីដែលទទួលបានប្រាក់ចំណូលច្រើនជាងគេពីការថតស្ពតពាណិជ្ជកម្ម និងពេលចូលរួមកម្មវិធីម្ដងៗ។

តោះក្រឡេកមកមើលថាតារាស្រីទាំង ៥ រូបនោះជាអ្នកណា៖

5. Bella Ranee

បន្ទាប់ពីទទួលបានប្រជាប្រិយភាពយ៉ាងខ្លាំងក្រោយពីបានសម្ដែងនៅក្នុងរឿង «បុព្វេសន្និវាស»។ ក្នុងស្ពតពាណិជ្ជកម្មដែល Bella ថតគឺទទួលបានចាប់ពី ៨លានបាត រឺក៏ច្រើនជាងនេះ និងទទួលបាន ១៥០,០០០បាត ក្នុងកម្មវិធីនីមួយៗ។

4. Mai Davika

មួយរយះពេលចុងក្រោយនេះគេសង្កេតឃើញថា Davika តែងតែទៅចូលរួមកម្មវិធីនៅឯបរទេសជាជាងនៅប្រទេសថៃហើយនាងទទួលបាន ២០០,០០០បាត ក្នុងមួយកម្មវីធី។ Davika ក៏មិនខុសពី Bella ដែរ នាងទទួលបាន ៨លានបាត រឺច្រើនជាងនេះក្នុងការថតស្ពតពាណិជ្ជកម្មម្ដងៗ។

3. Yaya Urassaya

Yaya មិនត្រឹមតែមានឈ្មោះល្បីនៅក្នុងប្រទេសថៃប៉ុណ្ណោះទេ នាងថែមទាំងល្បីទៅដល់តំបន់បែកខាងអាមេរិក និងបណ្ដាប្រទេសជាច្រើនទៀត។ Yaya ទទួលបានទឹកប្រាក់ ៣០០,០០០បាត នៅពេលចូលរួមកម្មវិធីម្ដងៗ ស្របពេលដែលនាងទទួលបាន ៩លានបាត រឺច្រើនជាងនេះ នៅពេលដែលនាងថតស្ពតពាណិជ្ជកម្មម្ដងៗ។

2. Chompoo Araya

បន្ទាប់ពីរៀបការរួច Chompoo បានផ្អាកសម្ដែងរឿងភាគ ប៉ុន្ដែគេសង្កេតឃើញថានាងតែងតែទៅចូលរួមកម្មវិធីនៅក្រៅប្រទេសជាញឹកញាប់។ Chompoo ទទួលបានទឹកប្រាក់ ៣០០,០០០បាត នៅពេលចូលរួមកម្មវិធីម្ដងៗ និងទទួលបាន ១០លានបាត នៅពេលដែលនាងថតស្ពតពាណិជ្ជកម្មម្ដងៗ។

1. Aum Patchrapa

Aum ត្រូវបានគេដាក់រហស្សនាមថាជាតារាស្រីលេខ ១ ប្រចាំប្រទេសថៃ ហើយនាងក៏ជាតារាស្រីដែលទទួលបានប្រាក់ចំណូលខ្ពស់ជាងគេបំផុតក្នុងប្រទេសថៃផងដែរ។ ជាធម្មតា Aum ទទួលបានទឹកប្រាក់ពី ៣០០,០០០បាត ទៅ ៤០០,០០០បាត នៅពេលចូលរួមកម្មវិធីម្ដងៗ និងទទួលបានពី ១២លានបាត ទៅ ១៥លានបាត នៅពេលដែលនាងថតស្ពតពាណិជ្ជកម្មម្ដងៗ។

បន្ទាប់ពីដឹងតម្លៃខ្លួនពួកគេហើយប្រិយមិត្តយល់យ៉ាងណាដែរ?

ប្រភព៖ Thaiupdate

អត្ថបទដោយ៖ ស្រីពេជ្រ