ក្រឡេកមើលការងារចុងក្រោយរបស់ Weir Sukolwat មុនពេលចាកចេញពីវិស័យសិល្បៈ!

ជាតារាប្រុសល្បីមួយរូបទៀត ដែលពេលនេះមានគម្រោងជីវិតគ្រួសារសម្រាប់ Weir Sukolwat បន្ទាប់ពីរូបលោកបានរៀបការជាមួយនារីក្រៅវិស័យដូចជា Vicky ។ ហើយពេលនេះអ្នកទាំងពីរក៏បានជិតក្លាយជាឪពុក និងម្តាយ ព្រោះ​ទើប​ប្រកាស​ដំណឹង​ល្អថាភរិយារបស់លោកមាន​ផ្ទៃពោះ​កូន​ដំបូង​ហើយ ។

លើសពីនេះ តារាប្រុស Weir បានបង្ហើបថាខ្លួនកំពុងត្រៀមសម្រាកពីវិស័យនេះរយៈពេលមួយឆ្នាំ ដើម្បីលះបង់ពេលវេលាសម្រាប់គ្រួសារបន្ថែមទៀត។ ហើយសម្រាប់ភាពយន្ត Home For Rent (Working Title) ភាពយន្តភ័យរន្ធត់ចុងក្រោយបង្អស់អ្នកដឹកនាំល្បី អាចជាភាពយន្តចុងក្រោយរបស់ Weirមុនពេលឈប់សម្រាកពីវិស័យសិល្បៈ។ Weir ​ចាប់ដៃគូសម្ដែងជាមួយតួ​ឯក​ស្រី​ប្រចាំ​ប៉ុស្តិ៍​លេខ​៣ គឺ ​Mew Nittha ភាពយន្ត​នេះ​គ្រោង​នឹង​ចេញ​នៅ​ខែ​តុលា​ខាង​មុខនេះ។