ចម្លែកមែន ! តារាខ្មែរគ្រាន់តែល្បីបន្តិចរកលុយបានច្រើន តែតារាកូរ៉េនេះល្បីហើយទៀត ច្រៀងរាប់ឆ្នាំគ្មានចំណូលសូម្បីតែ១សេន
ក្នុងវិថីសិល្បៈឲ្យតែមានតារាណាល្បី ហើយតែងតែចូលរួមក្នុងកម្មវិធីជាច្រើន គឺតែងតែមានអ្នកអញ្ជើញចូលរួមសម្តែង ឬច្រៀង ក្នុងតម្លែមួយយ៉ាងកប់ពពកដែរ ប៉ុន្តែបើក្រឡេកមើលតារាចម្រៀង Kpop នេះវិញ ច្រៀងរាប់ឆ្នាំរួចមកហើយ សូម្បីចំណូលពីការច្រៀងសូម្បីតែបន្តិចក៏គ្មានដែរ។
យ៉ាងណាមិញ ក្នុងនោះមានតារាចម្រៀងKpop មួយចំនួនដែលពួកគេទទួលបានជោគជ័យ ពីការលក់អ៊ាល់ប៊ុមបានដល់ខ្ទង់លានដុល្លារ រីឯក្រុមចម្រៀងដទៃ បើទោះបីជាពួកគេខំប្រឹងប្រែងយ៉ាងណាក៏ដោយ ក៏ពួកគេនៅតែមិនអាចឈានដល់គោលដៅលក់ ដូចអ្វីដែលបានកំណត់ផងដែរ។
ជាក់ស្តែង ដូចជាក្រុមចម្រៀងនារី Fiestar ដូច្នោះដែរ ដែលពួកគេទើបតែបាន សម្រេចចិត្តរំសាយក្រុមកាលពីឆ្នាំមុន ក្រោយប្រឡូកចូលសិល្បៈចម្រៀងKpop អស់រយៈពេលជាច្រើនឆ្នាំ ប៉ុន្តែនៅតែមិនអាចទទួលបានលទ្ធផលល្អទាល់តែសោះ ដោយសារគ្មានចំណូលសម្រាប់ផ្គត់ផ្គង់ទីផ្សារខ្លួនឯង។
តួយ៉ាង តាមរយៈកិច្ចសម្ភាសន៍កាលពីថ្មីៗនេះ គេក៏បានជួបសម្ភាសន៍ជាមួយនឹង អតីតសមាជិកក្រុមម្នាក់របស់ Fiestar គឺតារាចម្រៀងស្រី Hyemi ហើយក៏បានសួរនាំនាងពាក់ព័ន្ធទៅនឹង ប្រាក់ចំណូលរបស់នាងផងដែរ៕
