បទចម្រៀង “នឹកភូមិកំណើត” របស់តារាចម្រៀង ខេម ក្នុងរដូវបុណ្យផ្ជុំបិណ្ឌកំសត់ស្ទើស្រក់ទឹកភ្នែក (មានវីដេអូ)
ខណៈរដូវបុណ្យភ្ជុំនឹងខិតជិតមកដល់នាពេលខាងមុខនេះ តារាចម្រៀងល្បីប្រចាំផលិតកម្មថោន លោក ខេម បានចេញបទចម្រៀងថ្មី “នឹកភូមិកំណើត” ពិតជាកំសត់ស្រក់ទឹកភ្នែក ដែលនិយាយអំពីការចាកចេញពីស្រុកកំណើតទៅរកស៊ីនៅឆ្ងាយ និងការនឹករលឹកខណៈបុណ្យភ្ជុំជិតមកដល់។
តារាចម្រៀងសំឡេងស្អកលោក ខេម បានបញ្ចេញនូវបទចម្រៀងថ្មីរបស់ខ្លួន «នឹកភូមិកំណើត» កំពុងតែទទួលបានការចាប់អារម្មណ៍ពីទស្សនិកជន មានអត្ថន័យរៀបរាប់ ដល់អ្នកដែលបានឃ្លាតចាកឆ្ងាយពីស្រុកកំណើត ឆ្ងាយពីបងប្អូន ឪពុកម្ដាយ ក៏ដូចជាក្រុមគ្រួសារ ដើម្បីធ្វើការរកប្រាក់កម្រៃជួយដល់គ្រួសារ កម្រមានពេលវេលាជួបជុំគ្នា ត្រូវរង់ចាំដល់រដូវបុណ្យទានធំៗមកដល់ ដូចជារដូវបុណ្យភ្ជុំជាដើម ទើបមានពេលបានជួបគ្នា។
ក្រោយពេលបានស្ដាប់បទចម្រៀងមួយនេះហើយ មានទស្សនិកជនមិនតិចនាក់នោះទេ អាចនឹងស្រក់ទឹកភ្នែក ព្រោះតែអត្ថន័យទាំងមូលក្នុងចម្រៀងមួយនេះ ពិតជាចាក់ដោតខ្លាំង ដល់អ្នកឃ្លាតឆ្ងាយពីក្រុមគ្រួសារ៕
