ពិត​ជាស្រស់ស្អាត​ខ្លាំង​ណាស់ តារាចម្រៀង​​ Seo Yii Ahn មិន​ចាំបាច់ផាត់មុខ​នោះទេ នេះជាសម្រស់ធម្មជាតិ​ពិត​ៗ

កូរ៉េខាងត្បូង៖ តារាម៉ូដែលស្រីម្នាក់ Seo Yii Ahn កំពុងតែទទួលបានការចាប់អារម្មណ៍ ពីសំណាក់មហាជន ជាមួយនឹងរូបសម្រស់ដ៏ស្រស់ប្រិមប្រិយ និងរួបរាង​ដ៏សែនខ្ពស់របស់នាង។

ជាពិសេស គេចាប់អារម្មណ៍ថា តារាស្រីរូបនេះ បើទោះបីជា ស្ថិតក្នុងស្ថានភាពបែបណា ឬក៏ទៅទីណាក៏ដោយ ក៏រូបនាង មិនសូវផាត់មុខមាត់ ខ្លាំងក្លានោះដែរ ភាគច្រើននាងគូសតែចិញ្ចើមតែបន្តិច គឺជាការស្រេច។ មិនតែប៉ុណ្ណោះ រូបថតដែល Selfie នៅអាងទឹកជាមួយនឹងស្នាមញញឹមយ៉ាងស្រស់ស្រាយ បានឆាបឆក់យកបេះដូងហ្វេន ទៅទាំងអស់ ហើយក្នុងរូបនោះ ក៏នាងមិនបានតុបតែងមុខនោះដែរ គឺបែបសាមញ្ញៗស្រាលៗតែម្តង។

យ៉ាងណាមិញ ការដែលធ្វើបែបនេះ បានធ្វើឲ្យហ្វេនសរសើរដែលនាង មិនចូលចិត្តផាត់មុខក្រាស់ៗ ដូចតារាឯទៀត ហើយការដែលមិនផាត់មុខ ជ្រុលហូសហេតុបង្ហាញឲ្យឃើញថា នាងមិនបានស្អាត ដោយសារតែ គ្រឿងតុបតែងមុខនោះទេ៕