ជាការពិតណាស់បើក្រឡេកទៅកាលពី១០ឆ្នាំមុន ពេលដែលតារាសម្ដែងថៃស្រីកញ្ញា Kaew Jarin ចូលប្រឡូកក្នុងវិស័យសិល្បៈដំបូង គ្រប់គ្នាបានសង្ស័យថានាងគឺជា Tomboy ព្រោះនាងចូលចិត្តតុបតែងខ្លួនដូចជាមនុស្សប្រុសអញ្ចឹង។
យ៉ាងណាមិញស្រាប់តែកាលពីពេលថ្មីៗនេះ នាងក៏បានធ្វើការបកស្រាយទាក់ទងនឹងរឿងដែលមហាជន តែងតែសង្ស័យថាចំពោះនាងថាជា Tomboy ហើយ ដោយក្នុងនោះនាងបានរៀបរាប់ថា៖
«ពិតណាស់កាលពីមុនមើលមកខ្ញុំស្រដៀង Tomboy ព្រោះតែខ្ញុំជាអ្នកសិល្បៈ ហើយមានមនុស្សមួយចំនួនធំគិតថា ខ្ញុំជាមនុស្សស្រីដែលមិនស្រឡាញ់ភាពស្រស់ស្អាត មិនសូវចេះថែខ្លួន ប៉ុន្តែតាមពិតទៅខ្ញុំមានគ្រឿងសម្អាងការពារស្បែកច្រើនណាស់ ហើយខ្ញុំក៏ប្រើប្រាស់វាជារៀងរាល់ថ្ងៃមិនដែលខានដែរ។ អាចមកពីខ្ញុំជាមនុស្សស្រីដែលមានរូបរាង និងអត្តចរិតបែបរឹងមាំ ចូលចិត្តពាក់ស្បែកជើងប៉ាត់តា ចូលចិត្តស្លៀកខោ ជាងស្លៀកសំពត់ ទើបធ្វើឲ្យគ្រប់គ្នាមានការយល់ច្រឡំបែបនេះ»។
គួរបញ្ជាក់ផងដែរថា បច្ចុប្បន្ននេះមហាជនគ្រប់គ្នាប្រហែលជាលែងសង្ស័យថានាងជា Tomboy ទៀតហើយ ព្រោះថាពេលនេះនាងមានមិត្តប្រុស និងកំពុងតែស្រលាញ់គ្នាផ្អែមល្ហែមខ្លាំងណាស់៕
![](https://1.bp.blogspot.com/-DArgIqHP7QM/XXYlQ0yat4I/AAAAAAAAPyQ/emlqLOdSEoAaAchWJvMUKGAGIw5U4uKdACLcBGAs/s1600/1f9ecffd382371483d4af18a6ce7f6a8b0690caa.jpg)
![](https://1.bp.blogspot.com/-LdKomjhMSEc/XXYlSTd7cUI/AAAAAAAAPyc/D03N5A2KVncQxpuNSQhtU5T69QPOA1ubQCLcBGAs/s1600/7a363d922604058807e6fb46b38cce365b709a8b.jpg)
អត្ថបទដោយ៖សុីវលី