មិនគួរឲ្យជឿ! Ching Ching គ្រាន់តែល្បីមានស្នេហាលួចលាក់ជាមួយ Weir ភ្លាម ឡើងអ្នកFollowខ្លាំងយ៉ាងនេះ!
ប្រិយមិត្តជាច្រើនប្រាកដជាជ្រាបហើយទាក់ទងនឹងរឿង ដែលថាតារាសម្ដែងស្រីប្រចាំស្ថានីយទូរទស្សន៍ប៉ុស្តិ៍លេខ៧ នាង Ching Ching មានស្នេហាលួចលាក់ជាមួយនិងលោក Weir Sukollawat ដែលសព្វថ្ងៃមានគូស្នេហ៍រួចហើយ គឺកញ្ញា Bella Ranee។
ក្នុងនោះផងដែរ គ្រាន់តែព័ត៌មាននេះល្បីភ្លាម ធ្វើឲ្យប្រជាប្រិយភាពរបស់ Ching Ching កើនឡើងភ្លាមមួយរំពិត សូម្បីតែចំនួនអ្នកចុច Follow នៅក្នុងគណនីអុីនស្តារក្រាមរបស់នាង ក៏កើនឡើងច្រើនមិនគួរឲ្យជឿផងដែរ។
តាមប្រភពពីវេបសាយ៍ថៃបានបង្ហាញពីតួលេខមុនពេលមានរឿង គណនីអីុនស្តារក្រាមរបស់ Ching Ching មានអ្នក Follow ចំនួនជាង៣៨០០០០នាក់ប៉ុនណោះ រហូតមកដល់ពេលនេះ មានអ្នក Follow ចំនួនជាង៤៩០០០០នាក់ ពោលគឺកើនឡើងដល់ទៅជាង១០ម៉ឺនក្នុងរយៈពេលដ៏ខ្លី។
យ៉ាងណាមិញក្រោយពេលឃើញបែបនេះ មហាជនជាច្រើនក៏មិនបានបញ្ចេញមតិសរសើរដល់រូបនាងប៉ុន្មាននោះទេ ព្រោះថាល្បីដោយសារតែកើតរឿងអាស្រូវគឺជារឿងមិនល្អនោះទេ ហើយគ្រប់គ្នាក៏សង្ឃឹមថានាង ជាពិសេសលោក Weir បកស្រាយឲ្យមហាជនបានជ្រាបច្បាស់ឆាប់ៗនេះ៕
អត្ថបទដោយ៖សុីវលី