មកហើយ! ក្រោយល្បីរឿងស្នេហាត្រីកោណ ពេលនេះ Weir ចេញមុខបកស្រាយនៅមុខអ្នកកាសែតហើយ!

ដូចប្រិយមិត្តបានជ្រាបអញ្ចឹងថា ថ្មីៗនេះមានរឿងរ៉ាវទាក់ទំនងនឹងតារាសម្ដែងលោក Weir Sukollawat កំពុងតែមានស្នេហាលួចលាក់ជាមួយនិងតារាសម្ដែងស្រីវ័យក្មេងរួមប៉ុស្ដិ៍ទូរទស្សន៍ជាមួយគឺកញ្ញា Ching Ching ធ្វើឲ្យគ្រប់គ្នាឆ្ងល់និងភ្ញាក់ផ្អើលខ្លាំងណាស់។

ជាក់ស្ដែងពេលនេះរឿងរ៉ាវពិតប្រាកដបានបញ្ជាក់មកហើយ ក្រោយពេលដែលលោក Weir ចេញមុខបកស្រាយនៅមុខអ្នកកាសែតថា៖

«ខ្ញុំបានឃើញព័ត៌មានខ្លះ ទាក់ទងនិងរឿងខ្ញុំជាមួយនិងប្អូន Ching Ching មើលទៅដូចជាមិនសូវយល់ ថាហេតុអ្វីបានជារឿងរ៉ាវនៅតែបន្ដកើតមានវែងឆ្ងាយយ៉ាងនេះ។ តាមពិតទៅវាគ្មានអ្វីនោះទេ ដូចដែលគ្រប់គ្នាបានដឹងស្រាប់ហើយថា Ching Ching ជាអ្នកសម្តែងសិស្សប្អូនរួមប៉ុស្ដិ៍ទូរទស្សន៍ ហើយខ្ញុំនិងប្អូនគឺស្គាល់គ្នាពិតមែន ប៉ុន្តែស្គាល់តាមរយៈ Nat ដែលធ្លាប់សម្តែងរឿងជាមួយគ្នា ហើយពេលនេះ Nat កំពុងតែតាមញ៉ែ Ching Ching ដូចគ្នា។ ខ្ញុំបានជួបជាមួយ Ching Ching គឺនៅពេលដែលខ្ញុំជួប Nat ប៉ុណ្ណោះ»។

លោក Weir បានបន្តទៀតថា «រឿងនេះខ្ញុំមិនបាននិយាយជាមួយ Bella ទេ ព្រោះគ្មានអ្វីពិតមែន ហើយ Bella ក៏មិនបានសួរនាំខ្ញុំដែរ ព្រោះ Bella ស្គាល់ខ្ញុំច្បាស់ណាស់ ថាខ្ញុំមិនធ្វើរឿងបែបហ្នឹងនោះទេ ដូច្នេះហើយវាក៏គ្មានប៉ះពាល់អ្វីដល់ទំនាក់ទំនងពួកយើងដែរ ហើយខ្ញុំសួរបញ្ជាក់មួយទៀតថា ខ្ញុំមានតែ Bella ម្នាក់ប៉ុនណោះ»។

ពិតណាស់ក្រោយពេលដែលមហាជន និងអ្នកគាំទ្របានលឺដូច្នេះភ្លាម គ្រប់គ្នាក៏បានអស់ចម្ងល់ និងសរសើរដល់លោក Weir ដែលចំណាយពេលវេលាបកស្រាយរឿងរ៉ាវទាំងនេះឲ្យគ្រប់គ្នាបានយល់ផងដែរ៕

អត្ថបទដោយ៖សុីវលី