កំពូលតារាប្រុសថៃ Mario ឡើងទទួលពានរង្វាន់ធំនៅប្រទេសកូរ៉េជាមួយតារាល្បីផ្សេងទៀត!

 អបអរសាទរ តារាប្រុសដ៏ល្បីថៃ Mario Maurer បន្ទាប់ពីមួយរយៈចុងក្រោយនេះ លោកបានធ្វើឱ្យវិស័យសិល្បៈថៃមានមោទនភាព ដោយទទួលបានពានរង្វាន់ធំពីឆាកនៅប្រទេសកូរ៉េខាងត្បូង ដូចជាពានរង្វាន់ Face Of Asia ក្នុងកម្មវិធី BIFF With Marie Claire Asia Star Awards 2022។ ដោយកម្មវិធីពានរង្វាន់នេះមានការចូលរួមពីតារាល្បីៗជាច្រើនទូទាំងអាស៊ីហើយគេក៏ឃើញលោកឡើងឆាកទទួលពានជាមួយនឹង Kim Yoo Jun តារាសម្ដែងកូរ៉េល្បីមួយរូបទៀតផងដែរ។

Man of the Year 2022 សម្រាប់​លោក Mario Maurer បច្ចុប្បន្ន​កំពុង​ស្ថិត​ក្នុង​ការ​នាំ​យក​ភាពយន្ត Mayapisuang បានចូលរួមកម្មវិធី Busan Film Festival 2022 នៅប្រទេសកូរ៉េ។ ក្នុងនោះដែរ គេក៏ឃើញលោកចូលរួមជាមួយតារាសម្ដែងផ្សេងទៀតដូចជា Taew Nataporn, Aff Thaksorn និង Pancake Khemanit ផងដែរ។