បុព្វេសន្និវាស២ គ្រប់គ្រងបេះដូងប្រជាជនឥណ្ឌាថែមទាំងឈ្នះពានរង្វាន់មិនតិចទេ!

 ទំព័រ GDH559 រាយការណ៍ ភាពយន្តចុងក្រោយបង្អស់ បុព្វេសន្និវាស២ ត្រូវបានជ្រើសរើសដោយអគ្គកុងស៊ុលនៅទីក្រុង Chennai ដើម្បីចាក់បញ្ចាំងនៅមហោស្រពភាពយន្តអន្តរជាតិលើកទី 5 (IIFF) នៅ Bangalore រដ្ឋ Karnataka ប្រទេសឥណ្ឌា។ ហ្វេនៗមានការភ្ញាក់ផ្អើលដែលរឿងនេះល្បីខ្ទរខ្ទារមិនត្រឹមតែនៅប្រទេសថៃនិងប្រទេសជិតខាងនោះទេ​តែល្បីពាសពេញអាស៊ីផងដែរ។

វាក៏អាចឈ្នះពានរង្វាន់ ‘ភាពយន្តអាស៊ីល្អបំផុត’ ពីខ្សែភាពយន្តចំនួន 150 មកពី 40 ប្រទេសជុំវិញពិភពលោក។ រឿងនេះដែរ ក៏បាន​ចូលរួម​ក្នុង​ការ​ចាក់​បញ្ចាំង​នៅ​ក្នុង​ព្រឹត្តិការណ៍​នោះ​ផង​ដែរ។ សូមចូលរួមអបអរសាទរដល់អ្នកដឹកនាំ តួសម្តែង និងក្រុមការងារទាំងនៅមុខ និងក្រោយឆាកទាំងអស់គ្នា។