អីយ៉ា! ទីបំផុត Wonderframe ទទួលស្គាល់ថាមានទំនាក់ទំនងនិងតារាប្រុសម្នាក់នេះហើយ!

ជាការពិតណាស់មួយរយៈកន្លងមកនេះ មហាជនជាច្រើនបានដឹងថា តារាសម្ដែងថៃស្រីកញ្ញា Wonderframe ត្រូវបានតារាប្រុសរូបសង្ហាម្នាក់ឈ្មោះ Mek តាមសុំស្រលាញ់ ហើយគេថែមទាំងបានឃើញសារផ្អែមល្ហែមជាញឹកញាប់ក្នុងបណ្ដាញសង្គមទៀតផង។

យ៉ាងណាមិញកាលពីម្សិលមិញនេះ Wonderframe​ បានចេញមុខប្រកាសជាសាធារណៈថា​ ពេលនេះនាងពិតជាកំពុងតែបើកចិត្តទាក់ទងស្នេហាជាមួយនិង Mek ពិតប្រាកដមែន នេះក៏ព្រោះតែទង្វើល្អៗរបស់ Mek ធ្វើដាក់នាងកន្លងមក ពិសេសនោះគឺក្រុមគ្រួសាររបស់នាងផ្ទាល់តែម្ដង។

តែទោះបីជាសព្វថ្ងៃនេះ Wonderframe បានទទួលស្គាល់ថា នាងកំពុងតែមានទំនាក់ទំនងស្នេហាជាមួយនិង Mek ក៏ពិតមែន តែនាងនៅតែមិនទាន់ប្រើពាក្យថាសង្សារនៅឡើយនោះទេ៕

អត្ថបទដោយ៖សុីវលី