👰🏻🤵🏻អបអរសាទពិធីអាពារហ៍ពិពារហ៍របស់លោក danworrawech និងតារាស្រី pattieung!!

កម្មវិធីកក់ក្តៅរបស់គូស្នេហ៍តារាថៃដែលទស្សនិកបានទន្ទឹមរងចាំបានកើតឡើងហើយ គ្រប់យ៉ាងប្រព្រឹត្តិទៅយ៉ាងរលូនកាលពីព្រឹកមិញនេះ។  Congratulation!! ទីបំផុតលោក danworrawech និងកញ្ញា pattieung បានក្លាយជាស្វាមីភរិយារបស់គ្នាជាផ្លូវការណ៍តាមទំនៀមទំលាប់ប្រពៃណីជាស្ថាពរ!!
តាមដែលតារាប្រុសស្រីបានជម្រាបជូននៅក្នុង Youtube កម្មវិធីអាពារហ៍ពិពារហ៍របស់ពួកគេធ្វើឡើងនៅក្នុងទីធ្លាវត្តអារាមយ៉ាងកក់ក្តៅនិងស្ងប់ស្ងាត់បំផុត។ បន្ទាប់ពីដំណើរកម្មវិធីចប់សព្វគ្រប់អស់ហើយកូនក្រមុំនិងកូនកំលោះនាំគ្នាផុសរូបភាពបង្ហាញប្រាប់ទាំងអស់គ្នាអោយបានជ្រាប និងបានចូលរួមរីករាយជាមួយពួកគេនៅក្នុងអ៊ិនស្តាក្រាម។
នៅក្នុងថ្ងៃសេសរបស់លោក danworrawech និងកញ្ញា pattieung យើងមិនបានឃើញមានភ្ញៀវកិត្តិយសចូលរួមច្រើនកុះករដូចដែលរំពឹងទុកនោះឡើយ អ្នកចូលរួមស្ទើរទាំងអស់ជាសមាជិកគ្រួសារ។ លោក beamkawee ជាអ្នកក្នុងវិស័យសិល្ប:តែម្នាក់គត់ដែលបានផុសរូបនៅក្នុងកម្មវិធីព្រឹកមិញនេះ អ្នកផ្សេងទៀតនាំគ្នាចូលរួមសម្តែងក្តីរីករាយតាមប្រព័ន្ធអ៊ិនធឺណែត។

អត្ថបទដោយ សា