ផ្អែមល្ហែមណាស់! Yaya សុទ្ធតែប្រើពាក្យបែបនេះទៅ Nadech និង Matt ក្រោយចេញរឿងអ្នកទាំងពីរសម្ដែងរួមគ្នា!
ជារឿងមួយគួរឲ្យចាប់អារម្មណ៍ខ្លាំងណាស់ ដែលកាលពីពេលថ្មីៗនេះ Yaya បានធ្វើការផ្តល់បទសម្ភាសន៍មួយ ទាក់ទងនឹងរឿងភាគថ្មីដែលមាន ចំណងជើងថា «My Love From Another Star» ដែលតួឯកប្រុសសម្ដែងដោយលោក Nadech និងថែមទាំងមានកញ្ញា Matt ថែមទៀតផង។
ក្នុងនោះផងដែរ Yaya បានរៀបរាប់ទាក់ទងនិងរឿងនេះថា «ខ្ញុំបានមើលរឿងនេះរួចហើយ។ បង Bear ពិតជាសង្ហារខ្លាំងណាស់ ចំណែកឯបង Matt វិញ ក៏គួរឲ្យស្រលាញ់ខ្លាំងណាស់ដែរ។ ខ្ញុំបាននិយាយជាមួយបង Bear ហើយគាត់ក៏បានប្រាប់ខ្ញុំថា គាត់ពិតជាទទួលបាននូវភាពរីករាយជាច្រើន ក្នុងអំឡុងពេលដែលថតរឿងនេះ ជាមួយក្រុមការងារទាំងអស់។ ដូច្នេះតោះសូមជួយគាំទ្រ រឿងភាគថ្មីនេះទាំងអស់គ្នាផង។ ពីព្រោះនៅក្នុងនោះក៏មានបង Bear ដែលជាបុរសសង្ហារបំផុតសម្រាប់ខ្ញុំដែរ»។
ក្រោយពេលលឺ Yaya និយាយបែបនេះ មហាជននិងអ្នកគាំទ្រជាច្រើនបានបង្ហាញអារម្មណ៍រំភើប ដែលឃើញ Yaya ប្រើពាក្យផ្អែមល្ហែមបែបនេះទៅកាន់តែលោក Nadech៕
អត្ថបទដោយ៖សុីវលី