🔥🔥🔥សម្ភាសន៍លើកដំបូង! តារាខេផប់ប្រុស “និជឃុន” មិនសប្បាយចិត្តដែលគេប្រៀបធៀបខ្លួនទៅនឹងលោក mootono29!

គ្រោងការណ៍ “One Man and The River” របស់តារាចម្រៀងរ៉ក់លោក mootono29 បានបញ្ចប់ទៅជាមួយសាច់ប្រាក់ ៨០លានបាតកាលពីថ្ងៃទី៣១ ខែតុលាថ្មីៗនេះ ដែលមានមនុស្សច្រើនណាស់បញ្ចេញមិតិប្រឆាំងមិនយល់ស្រប រិះគន់តារាប្រុសដូចជាការនាំយកទៅប្រៀបធៀបជាមួយលោក “និជឃុន” តារាប្រុសនៅប្រទេសកូរ៉េខាងត្បូងដែលធ្លាប់ហែលទឹកឆ្លងទន្លេរតែម្នាក់ឯងដោយមិនចាំបាច់មានជំនួយរហូតកើតដ្រម៉ាធំក្នុងបណ្តាញអ៊ិនធឺណែត។
ចុងក្រោយសាមីខ្លួនលោក “និជឃុន” សមាជិកក្រុម 2PM មានឧកាសមកប្រទេសថៃដើម្បីចូលរួមបើកសម្ភោធខ្សែរភាពយន្តថ្មីរឿង “Finding The Rainbow : สุดท้าย…ที่ปลายรุ้ง” បានបញ្ចេញមិត្តយោបល់ផ្ទាល់ខ្លួនពាក់ព័ន្ធនឹងការប្រៀបធៀបថា “ខ្លួនមិនសប្បាយចិត្តទាល់តែសោះពេលឃើញទង្វើរបែបនោះរបស់អ្នកយកពត៌មាន បើមិនមានអ្វីល្អយកមកនិយាយគាត់ជឿថាកុំនិយាយល្អជាង។ ផ្ទាល់ខ្លួនគាត់ស្ងប់ស្ងែងលោក mootono29 ដែលលះបង់និងមានគំនិតធ្វើរឿងដើម្បីសង្គម”។
សរុបមកទាំងអស់គ្នាដែលបានឃើញពីការខិតខំប្រឹងប្រែងរបស់លោក mootono29 នាំគ្នាគាំទ្រនិងផ្តល់កំលាំងចិត្តអោយគាត់គ្រប់ពេលវេលា មកពីទាំងក្នុងនិងក្រៅប្រទេស លើសពីនោះទៅទៀតពួកគេត្រៀមខ្លួនរួចរាល់ដើម្បីវាយបកទៅកាន់អ្នកដែលមិនធ្វើអ្វីចាំតែរិះគន់គេ។

អត្ថបទដោយ សា