😇✨️KING ​(មានវីដេអូ) !! JungKook សមាជិក BTS បើកឆាក​ FIFA World Cup Qatar 2022 យ៉ាងកក្រើកកាលពីយប់មិញ!!

ដូចដែលបានជម្រាប់ជូនកាលពីរសៀលម្សិលមិញថានាពេលយប់ថ្ងៃទី ២០​ ខែវិច្ឆិកា តារាខេផប់ប្រុសលោក JungKook សមាជិក BTS នឹងបង្ហាញវត្តមានជាតារាកិត្តយសចូលខ្លួនមកធ្វើជាអ្នកបើកសម្ភោធកម្មវិធីប្រកួតកីឡាបាល់ទាត់លំដាប់ពិភពលោកប្រចាំឆ្នាំ ២០២២នេះ។ ហើយការរំពឹងទុករបស់ Armys ក៏បានក្លាយជាការពិតដោយសារ JungKook បានធ្វើអោយឆាកកម្មវិធីកាលពីយប់មិញផ្ទុះឡើងជាដុំភ្លើងឆេះយ៉ាងសន្ធោរសន្ធៅអមដោយសម្លេងស្ងើចសសើរ!
មានទស្សនិកជន និងអ្នកល្បីល្បាញច្រើនណាស់បានទិញសិទ្ធចាំមើលកម្មវិធី “FIFA World Cup Qatar 2022™ Opening Ceremony with #JungKook Dreamers 😇✨️” ដោយផ្ទាល់តាមកញ្ចក់ទូរទស្សន៍ ដោយសារទាំងអស់គ្នារងចាំទស្សនាក្រោយគេមិនបាន ម្យ៉ាងវិញទៀតពួកគេចង់ចូលរួមផ្តល់កំលាំងចិត្តនិងអបអរសាទអោយតារាប្រុសក្នុងដួងចិត្តដែលមនុស្សតែម្នាក់គត់ដែលទទួលបានកិត្តិយសលើកនេះ។
បន្ទាប់ពីនាទីបើកសម្ភោធកម្មវិធីត្រូវបានកន្លងផុតទៅយ៉ាងជោគជ័យ ទស្សនិកជននាំគ្នាមកបំផ្ទុះបណ្តាញសង្គមវិញម្តង ហ្វែនខ្លាប់ទូទាំងពិភពលោកនាំគ្នាបង្ហោះរូបភាព វីដេអូរបស់សមាជិកកូនពៅ JungKook ជាមួយសារអបអរសាទ និងបង្ហាញពីអារម្មណ៍មានមោទនភាពរបស់ពួកគេរហូតធ្វើអោយតារាប្រុសជាប់ជាប្រធានបទក្តៅបំផុតប្រចាំថ្ងៃចុងសប្តាហ៍ដែលទើបកន្លងផុតទៅថ្មីៗនេះ។

អត្ថបទដោយ សា