និយាយដល់រឿងស្នេហា! Baifern ប្រាប់ថា បើជាគូយើង គេចមិនផុតទេ

បន្ទាប់ពីបានបញ្ចេញថ្វីដៃសម្ដែងដ៏ប៉ិនប្រសប់ក្នុងរឿងភាគជាច្រើន មានទាំងកាចឆ្នាស់ឆ្នើម សុភាពរាបសារ គួរឲ្យស្រលាញ់ Baifern តារាស្រីរាងតូចច្រលឹងមួយនេះត្រូវបានមហាជនជាច្រើនកោតសរសើរយ៉ាងខ្លាំងក៏ព្រោះថានាងជាតារាស្រីម្នាក់ដែលតែងតែអភិវឌ្ឍខ្លួនក្នុងការសម្ដែង ពោលគឺរូបនាងតែងតែជ្រើសរើសរឿងភាគដែលចរិកតួអង្គដែលនាងត្រូវសម្ដែងគឺប្លែករហូត។

ក្នុងបទសម្ភាសមួយ Baifern ត្រូវបានអ្នកកាសែតសួរអំពីរឿងរ៉ាវស្នេហារបស់នាងក៏ព្រោះតែភាគច្រើនតារានៅក្នុងប្រទេសថៃតែងមានគូស្នេហ៍ និងបង្ហាញភាពផ្អែមល្ហែមជារឿយៗដែលធ្វើឲ្យអ្នកគាំទ្រជាច្រើនលួចច្រណែន។

បន្ទាប់ពីបានលឺសំនួរទាក់ទងនឹងរឿងរ៉ាវស្នេហាបែបនេះ Baifern ក៏បានឆ្លើយប្រាប់ថា៖ ពេលនេះខ្ញុំគ្មានសង្សារទេ គឺនៅទំនេរ 100% ឥលូវនេះខ្ញុំផ្ដោតសំខាន់ទៅលើការងារ និងអាជីពសម្ដែងរបស់ខ្ញុំ។ ពេលនេះខ្ញុំមានអាយុ ២៧ ហើយ ខ្ញុំចង់បានមនុស្សប្រុសល្អម្នាក់ប៉ុន្ដែនៅពេលខ្ញុំគ្មានអ្នកណានោះទេ។ តែបើជាគូរបស់យើង គេចមិនផុតទេ។

ប្រភព៖ ThaiUpdate

អត្ថបទដោយ៖ ស្រីពេជ្រ