🔥🔥🔥 រ៉ែបភើថៃ MILLI ជួបជាមួយរាជនីរ៉ែបភើកូរ៉េ Jessi ធ្វើអោយឆាកប្រគុំតន្ត្រីរបស់ទីក្រុងម៉ានីលឆេះជាភ្លើង!

អ្នកគាំទ្រសិល្ប:រ៉ែបជាពិសេសតារារ៉ែបភើស្រីល្បីល្បាញប្រចាំប្រទេសថៃកញ្ញា MILLI និងកូរ៉េខាងត្បូងកញ្ញា Jessi កំពុងសោកស្តាយដែលមិនបានទៅចូលរួម Concert ដែលទើបតែបានកើតឡើងថ្មីៗនេះជាខ្លាំង ដោយសារជំនួបរបស់ពួកគេទាំងពីរបានធ្វើអោយអ្នកចូលរួមទទួលបានទស្សនីយភាព និងការរាំកំសាន្តសប្បាយបែបមិនធ្លាប់មានពីមុនមក។
បន្ទាប់ពីឡើងឆាកសម្តែងអស់ពីសមត្ថភាពចប់រាជនីប្រចាំប្រទេសទាំងពីរនាក់បានថតរូបកន្ត្រាក់អារម្មណ៍អ្នកគាំទ្រជាពិសេសសុភាពបុរស ហើយនាំយកមកផុសនៅក្នុងអ៊ិនស្តាក្រាមផ្ទាល់ខ្លួនបណ្តាលអោយសមាគមន៍ហ្វែនខ្លាប់ Jessi-Milli កើតមានឡើងមួយរំពេច។
កញ្ញា MILLI និងកញ្ញា Jessi ហៅគ្នាបងស្រីប្អូនស្រីពេញមាត់តែម្តងហើយលើកនេះ បណ្តាលអោយហ្វែនខ្លាប់គិតថាមិនយូទេគ្រប់គ្នានឹងបានឃើញចម្រៀង Collaboration ថ្មីរបស់ពួកគេក៏ដូចជាការសម្តែងរួមគ្នានៅលើកឆាកប្រគុំតន្ត្រីអន្តរជាតិបែបនេះជាបន្តបន្ទាប់។

អត្ថបទដោយ សា