😌 មិនសុខចិត្តទេ!! អ្នកប្រើប្រាស់អ៊ិនធឹណែតផ្អើលថានារីម្នាក់នេះជាមិត្តស្រីរបស់តួ​ឯកប្រុស pon_nawasch!!

នៅក្នុងកម្មវិធីមង្គលការរបស់តារាស្រី Patriciagood និងស្វាមីលោក Notevises ដែលទើបកន្លងផុតទៅថ្មីៗនេះបានធ្វើអោយទស្សនិកជនភ្លឺភ្នែកជាមួយរឿងរ៉ាវជីវិតផ្ទាល់ខ្លួនរបស់តារាប្រុសស្រី និងអ្នកជំនួញដែលមានទំនាក់ទំនងស្នេហាជាមួយតួឯកស្រីជាច្រើនករណី។ ហើយរឿងដែលធ្វើអោយហ្វែនខ្លាប់បុស្តិ៍លេខ៣រន្ធត់ចិត្តជាងគេនោះគឺរូបភាពគូរបស់លោក pon_nawasch ដែលបានថតនៅក្នុងកម្មវិធីអាពារហ៍ពិពារហ៍នោះ។
ថ្មីៗនេះបន្ទាប់ពីបានចូលរួមកម្មវិធីរបស់មិត្តភក្តិរួមអាជីពលោក pon_nawasch បានផុសរូបភាពគូជាមួយតារាស្រីម្នាក់យ៉ាងជិតស្និទ្ធមើលទៅដូចកៀកកើយបានដូចមនុស្សដែលត្រូវជាសង្សារនឹងគ្នាខ្លាំងណាស់។ នារីនៅក្នុងរូបភាពនោះជាកញ្ញា yeenasalas តួឯកស្រីរបស់បុស្តិ៍លេខ៣ចូលថ្មីតែសម្តែងគូជាមួយសុទ្ធតែតួឯកប្រុសល្បីប្រចាំបុស្តិ៍ទាំងអស់ (ឧទាហរណ៍ដូចជាលោក Jame Jirayu ជាដើម)។
បច្ចុប្បន្នអ្នកប្រើប្រាស់មិនទាន់ទទួលបានពាក្យអធិប្បាយ ឬសារបំភ្លឺថាសរុបតារាប្រុស pon_nawasch ត្រូវជាអ្វីជាមួយកញ្ញា yeenasalas នៅឡើយទេ បណ្តាលអោយផុសនិយាយថាពួកគេជាសង្សារនឹងគ្នាផ្ទុះឡើងកាន់តែខ្លាំងទៅៗនៅក្នុងបណ្តាញសង្គម និងតាមបណ្តាញសារពត៌មានផ្សេងៗ។ ហើយអ្នកដែលឈឺចាប់បំផុតក្រោយពេលឃើញរូបភាពនេះគឺជាហ្វែនខ្លាប់របស់គូជីន Pon-Bua 😌 ពួកគេសង្ឃឹមថាវាគ្រាន់ជារូបភាពថតលេងកំសាន្តមិនមានអ្វីលើសពីនេះនោះឡើយ។

អត្ថបទដោយ សា