បែកធ្លាយ! ការពិតបុរសដែលតែងតែនៅក្បែរ ចំរើន សុភ័ក្រ គឺជាគូដណ្ដឹងនាង!(មានរូបភាព)

ជាការពិតណាស់ មួយរយៈពេលចុងក្រោយនេះ តារាចម្រៀងស្រីកញ្ញា ចំរើន សុភ័ក្រ បានធ្វើឲ្យអ្នកគាំទ្រជាច្រើនចាប់អារម្មណ៍ នៅពេលដែលគ្រប់គ្នាបានឃើញ គ្រប់ពេលដែលនាងបង្ហោះរូបភាព តែងតែមានវត្តមានបុរសម្នាក់នៅជាមួយនាងគ្រប់ពេល រហូតធ្វើឲ្យគ្រប់គ្នាគឺថា ប្រហែលជាមនុស្សពិសេសរបស់នាងហើយ។

ជាក់ស្ដែងស្រប់តែពេលនេះគណនីហ្វេសប៊ុករបស់លោក ហេង ឡុង បានបញ្ជាក់យ៉ាងច្បាស់ៗថា បុរសម្នាក់ដែលតែងតែនៅក្បែរកញ្ញា ចំរើន សុភ័ក្រ នោះគឺជាគូដណ្ដឹងរបស់នាង ដែលបានស្រលាញ់ និងយល់ចិត្តគ្រប់រយៈពេលជាច្រើនឆ្នាំមកហើយ។

ក្នុងនោះលោក ហេង ឡុង បានរៀបរាប់ថា៖ «ក្ដៅចិត្តពូកែលាក់ពេក សុំបង្ហាញមុខគូដណ្ដឹងរបស់តារាចម្រៀង ចំរើន សុភ័ក្រ​ ជូនពរឲ្យឆាប់បានចូលរួម ពិធីមង្គលការ ប្អូនទាំងពីរ កុំអភ័ព្ទដូចបង»។

ក្រោយពេលលឺដំណឹងនេះភ្លាម អ្នកគាំទ្រជាច្រើនបានបង្ហាញអារម្មណ៍រំភើប និងសរសើរថាកញ្ញា ចំរើន សុភ័ក្រ​ និងគូដណ្ដឹងនាងពិតជាសមគ្នាខ្លាំងណាស់៕ តោះ! ទៅទស្សនារូបភាពខាងក្រោមនេះទាំងអស់គ្នា៖

អត្ថបទដោយ៖សុីវលី