💗💗កាន់តែធំកាន់តែចេះច្រើន!! អូន Abigail បញ្ចេញក្បាច់រាំគួរអោយខ្នាញ់ក្នុងថ្ងៃកំណើតគម្រប់ ៩ ខែរបស់ខ្លួន!

មានឈ្មោះនៅលើបណ្តាញសារពត៌មានសិល្ប:កំសាន្តរបស់ប្រទេសថៃរាល់ថ្ងៃតែម្តងហើយសម្រាប់អូន Abigial កូនស្រីទី៣របស់ម៉ែ chomismaterialgirl និងប៉ាប៉ា Nottvirsrut ដែលទស្សនិកជនគ្រាប់គ្នាបានរាប់បញ្ចូលនាងជាតារាស៊ុបភើស្តារ៍ជំនាន់ក្រោយរបស់ប្រទេស។ ថ្ងៃនេះអូនអាប៊ីហ្កេលរបស់យើងមានអាយុ ៩ ខែពេញបរិបូរណ៌ ដោយនៅក្នុងឧកាសពិសេសនេះម្ចាស់ខួបបានបញ្ចេញក្បាច់រាំយ៉ាងសាហាវអោយសមាជិកគ្រួសារបានផ្ទុះសំណើចយ៉ាងក្បាកក្បាយ។
នៅក្នុងអ៊ិនស្តាក្រាមកំពូលតារាស្រី chomismaterialgirl បានផុសវីដេអូអបអរសាទថ្ងៃកំណើតគម្រប់ ៩ ខែរបស់កូនស្រីជាមួយនំខេកដ៏សែនស្រស់ស្អាតព្រមជាមួយសារសសេរថា “Gale 9 months 🌸🧚🏻‍♀️🌬” ដែលនៅក្នុងវីដេអូនោះមានបងៗ សាយហ្វា-ផាយុ ជាច្រៀងចម្រៀង Happy Birthday ហើយអូន Abigial វិញអង្គុយយោគខ្លួនរាំតាមបទចម្រៀងរបស់បងយ៉ាងសប្បាយរីករាយ។
ភាពគួរអោយស្រលាញ់របស់ម្ចាស់ខួបថ្ងៃនេះបានធ្វើអោយទស្សនិកជនលង់ស្រលាញ់នាងកាន់តែខ្លាំងបន្ថែមទៀត មានមនុស្សច្រើនណាស់ដែលបានចូលមកខមមិនជូនពរថ្ងៃកំណើត និងបង្ហាញចិត្តខ្នាញ់ដែលខ្លួនមានចំពោះអូនអាប៊ីហ្កេលខាងក្រោមផុសរបស់តារាស្រី បណ្តាលអោយផុសចុងក្រោយរបស់អ្នកម៉ែ chomismaterialgirl ពោពេញដោយរូប 💖🤗💖,😂, 💝🎉🎉 ច្រើនបែបនឹកស្មានមិនដែល។

អត្ថបទដោយ សា