បើគិតមកទល់ពេលនេះ តារាសម្ដែងថៃនាង Lee Natalie មានទំនាក់ទំនងស្នេហាជាមួយគូស្នេហ៍ខ្លួនរយៈពេលជិត១០ឆ្នាំហើយ ហើយមិត្តប្រុសនាងក៏បានលត់ជង្គងសុំនាងរៀបការរួចហើយដែរ គ្រាន់តែអ្នកទាំងពីរមិនទាន់រកបានវេលាល្អប៉ុនណោះ។
យ៉ាងណាមិញស្រាប់តែកាលពីពេលថ្មីៗនេះ ក្នុងបណ្ដាញសង្គមអីុនស្ដារក្រាមរបស់តារាស្រីរូបនេះ បានបង្ហោះរូបភាពជាមួយឈុតរ៉ូបកូនក្រមុំ ជាហេតុធ្វើឲ្យហ្វេនៗជាច្រើនរំភើបចិត្ត ព្រោះស្មានថានោះគឺជារូបភាព Pre-wedding មុនពេលរៀបការរបស់តារាស្រីរូបនេះ ឆាប់ៗខាងមុខនេះហើយមើលទៅ។
តែផ្ទុយមកវិញ នេះគ្រាន់តែជាការគិតរបស់ហ្វេនៗតែប៉ុនណោះ ព្រោះការពិតរូបភាពនោះ Lee Natalie គ្រាន់តែថតម៉ូតឲ្យក្រុមហ៊ុនមួយប៉ុនណោះ មិនមែនរូបភាព Pre-wedding របស់នាងទេ៕ តោះ! ទៅទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖សុីវលី