មុនថ្ងៃមង្កលការមកដល់ ពេលនេះគូស្នេហ៍តារាល្បី MarkនិងKimberly ប្រកាសលក់ផ្ទះ….

គូស្នេហ៍តារាល្បីក្នុងសិល្បៈថៃគូរបស់តួឯកប្រុសលោក Mark Prin និងតួឯកស្រីនាង Kimberley Anne Woltemas​ ប្រកាសលក់ផ្ទះដែលទិញរួមគ្នាចោលហើយ ទេសភាពជុំវិញផ្ទះស្រស់ស្អាតសាកសមសម្រាប់អ្នកចង់ទិញទុកមកលំហែរការយសម្រាកកំសាន្ដថ្ងៃចុងសប្ដាហ៍។

ធ្វើឲអ្នកគាំទ្រខំតែភ័យបន្ដិចដែរក្រោយឃើញក្នុងបណ្ដាញសង្គមរបស់តារាប្រុសស្រីទាំងពីរដួង Mark និង Kimberly បង្ហោះលក់ផ្ទះដែលជាផ្ទះខំទិញសន្សំលុយទិញរួមគ្នាទុកមករស់នៅជាមួយគ្នា នឹកស្មានថាចំណងស្នេហារបស់តារាទាំងពីរដួងជួបឧបសគ្គឬយ៉ាងណា។ ការពិតមិនដូចច្នេះទេ ចំណងស្នេហារបស់គូស្នេហ៍តារាមួយគូនេះមានតែរឹតផ្អែមល្ហែមទ្វេរឡើង ថែមថ្ងៃមង្គលការរបស់អ្នកទាំងពីរក៏កាន់តែខិតជិតចូលមកដល់ហើយផងដែរ។ មូលហេតុដែលសម្រេចចិត្តលក់ផ្ទះលំហែរនេះចេញ ព្រោះតែមួយរយះពេលនេះអ្នកទាំងពីរសុទ្ធតែរវល់ដូចគ្នាមិនសូវបានមានពេលទៅមើលថែទៅសម្រាកលំហែរនៅផ្ទះឆ្ងាយៗដូចពេលមុន ហើយទាំងគូក៏បានគិតគូរសំលឹងមើលឃើញផ្ទះអនាគតនៅក្នុងក្រុងវិញហើយផងដែរ ឬអាចនឹងមានផ្ទះលំហែរនៅកន្លែងផ្សេងទៀតជាមួយនឹងទេសភាពថ្មីៗ។

ប្រភព៖ Sanook

អត្ថបទដោយ៖ ស្រីល័ក្ខ