ពេលមុនប្រកែកពេលនេះបង្ហោះភាពផ្អែមល្ហែមបន្ដបន្ទាប់ Ploy និង Twopee ជាសង្សារនឹងគ្នាហើយ…
អីយ៉ាមានគូស្នេហ៍តារាមួយគូទៀតហើយ មិនមែនជាគូតារារះថ្មីនោះទេតែជាតារាដែលបានសាងកេរ្ដ៍ឈ្មោះយូរឆ្នាំហើយក្នុងងសិល្បៈថៃ ដោយគូស្នេហ៍តារាដែលកំពុងផ្អែមល្ហែមគូនេះក៏គឺតួឯកស្រីនាង Ploy Chermarn និងតារាប្រុសលោក Twopee។
ដោយកាលពីប៉ុន្មានខែមុនតារាប្រុសស្រីទាំងពីរដួងក៏ត្រូវបានគេសង្ស័យថាកំពុងសាងចំណងស្នេហាដែរ តែអ្នកទាំងពីរប្រកែកដោយបានឆ្លើយថារាប់គ្នាជាមិត្ត ពេលនេះមិនលាក់លៀមទៀតទេចំណងស្នេហាបើកចំហរថែមទាំងនាំគ្នាដើរលេងកំសាន្ដគ្រប់ទីកន្លែងទៅណាក៏ទៅជាគូផងដែរ។ ទំនងទំនាក់ស្នេហាលើកនេះរបស់តារាស្រី Ploy Chermarn និង Twopee បានផ្អែមល្ហែមពេញបណ្ដាញសង្គម មានទាំងរូបភាពស្វីតៗទៅលេងនៅសមុទ្រ ទៅមើលការប្រគុំតន្រ្ដីពេលរាត្រី ទៅញុាំអាហារឆ្ងាញ់ៗ រឹតតែមិនអាចប្រកែកបានទៀតនោះគឺថែមមានទាំងបង្ហោះរូបភាពអោបថើបបង្ហាញក្ដីស្រលាញ់យ៉ាងជិតស្និទ្ធផងដែរ។ ហើយទោះបីជាលើកនេះមិនមែនជាលើកទីមួយដែលតារាទាំងពីរដួងបង្ហាញថាមានស្នេហា តែនេះជាលើកដំបូងហើយដែលឃើញគូស្នេហ៍តារាដែលបង្ហាញទំនាក់ទំនងយ៉ាងផ្អែមល្ហែមយ៉ាងនេះ ថែមគូអ្នកទាំងពីរក៏ទទួលបានការជូនពរជាច្រើនពីអ្នកគាំទ្រនិងពីបណ្ដាមិត្តភក្ដិដែលស្គាល់គ្នាផងដែរ។
ប្រភព៖ Sanook
អត្ថបទដោយ៖ ស្រីល័ក្ខ