អតីតសង្សារដែលនៅតែប្រាថ្នាល្អដល់គ្នា Taew មកគាំទ្រលោក Ton ក្លាយជាតារាសម្ដែងក្នុងភាពយន្ដថ្មី….

នៅតែប្រាថ្នាល្អដល់គ្នាទោះដាច់ទំនាក់ទំនងជាសង្សារក៏នៅតែមានចំណងមិត្តភាពនឹងគ្នា​ តួឯកស្រីនាង Taew Natapohn ត្រូវបានប្រទះឃើញក្នុងកម្មវិធីបើកសម្ភោធន៍ភាពយន្ដថ្មីមួយ ដែលមានលោក Ton អតីតសង្សាររបស់ Taew មកចូលរួមការសម្ដែងផងដែរ។ ដោយតួឯកស្រី​ Taew ទោះរូបនាងមិនមានវត្ដមានក្នុងភាពយន្ដនេះ តែរូបនាងចង់មកឲកម្លាំងចិត្តដល់អ្នកដឹកនាំរឿងដែលនាងធ្លាប់រួមកាងារជាមួយនិងមកផ្ដល់កម្លាំងចិត្តដល់ Ton ដែលជាមិត្តរបស់នាងនៅពេលនេះផងដែរ។

ដោយលោក Ton ដែលធ្លាប់ត្រូវបានមហាជនស្គាល់ក​ន្លងមកថាជាអតីតសង្សាររបស់តួឯកស្រីនាង Taew Natapohn ពេលនេះក៏បានប្រឡូកខ្លួនក្លាយជាតារាមួយរូបផងដែរ ថែមពេលនេះរូបលោកក៏កំពុងរួមសម្ដែងភាពយន្ដថ្មីមួយត្រៀមបើកការសម្ដែងផងដែរ។ ការសម្រេចចិត្តជាក្លាយជាតារារបស់លោក Ton ក៏មានការជួយជ្រោមជ្រែងលើកទឹកចិត្តពីមិត្តសម្លាញ់របស់លោកគឺតួឯកប្រុសលោក James Jirayu ដែលស្គាល់រាប់អានគ្នាជាច្រើនឆ្នាំ​មកហើយផងដែរ ថែម Taew ដែលពេលនេះជាមិត្តក៏គាំទ្ររូបលោកពេញទំហឹងផងដែរ។

ប្រភព៖ Sanook

អត្ថបទដោយ៖ ស្រីល័ក្ខ