Kratae R Siam ត្រូវបានអ្នកបណ្ដាញសង្គមជាច្រើនឆ្ងល់ត្រឹមតែអ្នកចម្រៀងសោះហេតុអ្វីក៏មានលុយយ៉ាងហ្នឹងឬមួយ…..ប្រយ័ត្នដេកគុក?! មានរូបភាព

ធ្វើអោយតារាចម្រៀង Kratae R Siam ក្ដៅស្នឹកត្រចៀកប្រញាប់ចេញមកផុសជាប្រយោគសារវែងអន្លាយ #ចាត់ការបណ្ដារអ្នករិះគន់យ៉ាងចាស់ដៃ

សម្រាប់ករណីដែលមានខមិនលើបណ្ដាញសង្គម រិះគន់រឿងការធ្វើវីដេអូក្នុងប្រធានបទបើកបង្ហាញផ្ទះដ៏ធំស្គឹមស្គៃតម្លៃរាប់លានរបស់នាង ក្នុងន័យថា ប្រយ័ត្នដេកគុក? ប្រយ័ត្នត្រូវគេត្រួតពិនិត្យទ្រព្យសម្បត្ដិ? ហើយនៅមានដាក់សំនួរសួររឿងការរកលុយ រឿងកាត់ពន្ធ និងច្រើនយ៉ាងទៀត

ទើបជាក់ស្ដែងសាម៉ីខ្លួន Kratae បានចេញមកឆ្លើយតបយ៉ាងច្បាស់ៗគ្រប់សំនួរនៅក្នុង IG ឈ្មោះ @krataersiam8 ហើយនៅចាត់ការត្រលប់ទៅវិញដើម្បីទុកជាការពិចារណាថា កុំអោយបាត់បង់សតិក្នុងជីវិតរបស់យើង ដើម្បីក្ដីសុខរបស់អ្នកដទៃ ព្រោះវាខាតពេលជីវិតរបស់យើងណាចា

“សុំបញ្ចាក់បន្ទិច ដើម្បីកុំអោយយល់អីខុសណាចា #អ្នកដែលបារម្ភ ថា ប្រយ័ត្នគុកខ្លះផង ប្រយ័ត្នគេពិនិត្យទ្រព្យផង តើយើងត្រូវបារម្ភចំពោះរឿងទាំងអស់នេះធ្វើអ្វី ខ្ញុំខំធ្វើការងក់ៗៗៗ ស្ទើរតែមិនបានដេកពួន បង់ពន្ធរាល់ខែ បង់ខែខ្លះចង់ចូលលាន! ខ្ញុំដឹងខ្លួនឯងថាខ្ញុំធ្វើអី មិនបាច់បារម្ភនោះទេ ខ្ញុំស្រលាញ់ប្រទេសជាត់ខ្ញុំណាស់ លុយដែលរកបានអាចជួយជាត់បានច្រើនផ្នែក

អ្នកដែលមិនចេះអបអរជាមួយអ្នកដទៃ ជីវិតគាត់ច្បាស់ជាជួបអ្វីយ៉ាប់ៗមកច្រើនហើយមើលទៅ ទើបមានតែរឿងអវិជ្ជមានៗបែបនេះ #មានអារម្មណ៍វេទនានិងអាណិតខ្លាំងណាស់ ការដែលខ្ញុំផុសរូបភាពផ្ទះ បង្អួតភាពជោគជ័យ អួតកំលាំងញើសឈាម ដែលបានមកពីការខិតខំប្រឹងប្រែងធ្វើការច្រៀងចម្រៀងតាំងតែអាយុ 5ខួប រហូតបានក្លាយជាអ្នកសិល្បៈអាជីព ហើយមានអាជីវកម្មជារបស់ខ្លួនឯង ទាំងប្រេនគ្រឿងសម្អាង @kathycosmetics_th និងមានជាច្រើនទៀត

វាមិនមែនបានមកដោយការដេកស្ងៀមៗនោះទេ គ្រាន់តែពេលធ្វើ ពេលបញ្ចេញកំលាំង យើងមិនបានផុស តែដល់ពេលជោគជ័យយើងចង់ផុស អ្នកមិនដឹងក៏ចេះតែនិយាយថា យើងអួត យើងវាសំណាងបាន….តាមពិតទៅវាគ្មានពាក្យថាសំណាងនោះទេ មិនមានអ្នកនៅពីក្រោយអ្វីនោះទេ ប្រសិនបើអ្នកតាមដានខ្ញុំតាំងពីដំបូងមែន និងយល់ថាជីវិតរបស់ខ្ញុំ វាមិនមែនជារឿងងាយស្រួលនោះទេ…..

តែក៏សប្បាយចិត្តដែលនៅមានអ្នកមួយចំនួនធំស្រលាញ់និងផ្ដល់កំលាំងចិត្តដល់មនុស្សដូចគ្នា អបអរសាទរជាមួយអ្នកដទៃ អានហើយត្រជាក់ចិត្ត អរព្រះគុណគ្រប់ៗគ្នាចេញពីចិត្តពិតៗណាចា

ចុងក្រោយនេះចង់អោយយកទៅគិត ពេលនេះ នាទីនេះ គឺជាពេលដែលយើងគួតែមានក្ដីសុខជាមួយជីវិតខ្លាំងបំផុត កុំលះបង់ជីវិតរបស់យើង ដើម្បីក្ដីសុខរបស់អ្នកដទៃ ព្រោះវាខាតពេលវេលាជីវិតរបស់យើងចា #ជាកំលាំងចិត្តសម្រាប់គ្រប់គ្នាចា”

អត្ថបទដោយ : នីត្តា