Sririta នាំកូននាំស្វាមីទៅដើរលេងនៅប្រទេសបារាំងជីវិត្តគ្រួសារអភិជនល្អប្រណិតដូចក្នុងរឿងព្រេងនិទានពិត! មានវីដេអូ

ព្រោះតែមានពេលវេលាទំនេរត្រូវគ្នាទើបតារាសម្ដែងស្រីស្អាតអ្នកម៉ាក់កូនមួយយ៉ាង Sririta Jensen និងស្វាមីអារម្មណ៍ល្អ Korn Narongdej រៀបចំដំណើរកំសាន្ដជុំគ្នា ដោយនាំកូនប្រុសជាទីស្រលាញ់ក្នុងវ័យកំពុងពេញរពឹសអូន​ Kawin ទៅដើរលេងសម្រាកលំហែរកាយស្រូបយកខ្យល់អាកាសបរិសុទ្ធនៅប្រទេសបារាំង

ហើយច្បាស់ណាស់ថា Sririta-Korn ក៏មិនភ្លេចនាំយករូបភាពស្អាតៗក្នុងការប្រើពេលវេលាអោយមានន័យ ដែលពេញទៅដោយក្ដីសុខជាមួយគ្រួសារមកផ្ញើរហ្វេនៗបានមើលទាំងអស់គ្នា ដូចជារូបភាពអង្គុយញុំអីនៅមាត់បឹង រហូតទៅដល់រូបភាពលក្ខណៈគ្រួសារជុំគ្នា ម៉ាក់ ប៉ា កូន ដោយមានព្រះរាជដំណាក់ Grand Trianon នៅផ្ទៃខាងក្រោយនៃវិមាន Versailles

ក្រោយពីរូបទាំងប៉ុន្មានសន្លឹកនេះបានផុសចេញទៅ បណ្ដារហ្វេនៗបាននាំគ្នាចូលមកចុចឡាយនិងខមិនខាងក្រោមរូបផុសយ៉ាងច្រើនកុះករ ជាពិសេសរឿងសម្រស់របស់ម៉ាក់ៗដែលគ្រប់គ្នាចាប់អារម្មណ៍ខ្លាំងបំផុត

អត្ថបទដោយ : នីត្តា