អ្នកម្ដាយ Naphat និយាយហើយហេតុអ្វីលុបរូប Baifern ចចាមអារ៉ាមម៉ែក្មេកលែងពេញចិត្ត?

អនាគតម្ដាយក្មេកឈប់ពេញចិត្តឬយ៉ាងណា? កំពុងតែមានពាក្យចចាមអារ៉ាមពីទំនាក់ទំនងរបស់តួឯកស្រីនាង Baifern Pimchanok ជាមួយនឹងតារាស្រីជើងចាស់ Pimpaka ត្រូវជាអ្នកម្ដាយបង្កើតរបស់តួឯកប្រុសលោក Naphat Siangsomboon ទាំងដែលមុននោះអ្នកទាំងពីរស្រលាញ់គ្នាណាស់ ម្ដាយ Naphat ចូលចិត្ត Baifern ទាំងដែលមុនទាក់ទងជាមួយកូនប្រុសទៅទៀត។

មានអ្នកគាំទ្រជាច្រើនមិនជឿនោះទេថាអ្នកម្ដាយ Naphat មិនពេញចិត្ត Baifern រហូតលុបរូបចាស់ៗចោល ព្រោះមុននោះគាត់ស្រលាញ់ Baifern ណាស់ មានតែគាំទ្រឲកូនប្រុសតាមញ៉ែBaifernរហូតបានសម្រេច។ ពីនេះការពិតនៃរឿងនេះបានលាតត្រដាងហើយ តារាស្រី Pimpaka ពិតជាមិនបានដឹងរឿងនេះមែន គាត់មិនបាន Unfollow និងលុបរូបភាពរបស់ Baifern ចោលនោះទេ គឺគាត់ពិតជាមិនបានដឹងរឿងនេះពិតមែន។ ពេលមានពត៌មាននេះគាត់ក៏ភ្ញាក់ផ្អើលដែរព្រោះមិនដឹងរឿង ម្យ៉ាងខ្លួនគាត់ផ្ទាល់ក៏មិនសូវចេះរឿងលេងបណ្ដាញសង្គម រាល់ដងតែអ្នកចាត់ការជួយមើលឲទេ ពេលនេះមិនដឹងកើតអីឬត្រូវគេហេកនោះទេ ទើបបានជាដូចនេះបន្ដិចទៀតហ្នឹងឲជាងជួយមើលឲហើយ។

ការឆ្លើយតបរបស់តារាស្រី Pimpaka ធ្វើឲអ្នកគាំទ្រធូរទ្រូងបន្ដិចស្មានតែមានរឿងអី សម្រាប់គូស្នេហ៍ដែលទើបផ្អែមល្ហែមក្នុងសិល្បះថៃមួយគូនេះ។ ក្រឡេកមកមើល Baifern និង Naphat វិញពេលមានពត៌មាន អ្នកគាំទ្រមិនតបតអ្វីនោះទេ តែនាំគ្នាទៅញុាំសាច់អាំងយ៉ាងរ៉ូមែនទិកឯណោះវិញ។

ប្រភព៖ Sanook

អត្ថបទដោយ៖ ស្រីល័ក្ខ