ម៉ាក់របស់ Nine ក្ដៅស្លឹកត្រចៀកដាក់ទាំងអ្នកកាសែតដាក់ទាំងអ្នកខមិនក្រោយពី Baifern ឈប់តាមដាន IG (unfollow)! មានវីដេអូ
Moo Pimpaka បញ្ចេញប្រតិកម្មបន្ទាប់ពីតារាសម្ដែងស្រីស្អាតល្បីឈ្មោះ Baifern Pimchanok ឈប់តាមដាន IG
នៅតែជាប្រធានបទក្ដៅនិងគួអោយចាប់អារម្មណ៍ខ្លាំងដដែល សម្រាប់គូរស្នេហ៍តារាប្រុសស្រី Nine Naphat និង Baifern Pimchanok បន្ទាប់ពីចេញមកប្រកាសឋានៈបេះដូងដោយប្ដូរពាក្យពីមិត្តទៅជាអ្នកយល់ចិត្តជាផ្លូវការ ហើយក៏ទទួលបានការអបអរសាទរជាច្រើនពីសំណាក់អ្នកគាំទ្រ
ប៉ុន្ដែក៏មានពាក្យចរចាមរាមលេចឡើងហើយក៏បង្កអោយមានការសង្ស័យជុំវិញរឿង unfollow រវាងម៉ាក់របស់ Nine និង Baifern មិត្តស្រីរបស់ Nine ហើយក៏ឃើញថា unfollow កូនប្រុសបង្កើតរបស់ខ្លួនដូចគ្នា ជុំវិញរឿងនេះធ្វើអោយហ្វេនៗងើយឆ្ងល់ថាមូលហេតុអ្វីបានជាម៉ែ Moo ធ្វើដូច្នេះ
ជាក់ស្ដែង Moo Pimpaka ក៏បានចេញមកនិយាយនៅក្នុង IG ទាក់ទងនិងរឿងខាងលើថា “កាន់តែយ៉ាប់ទៅៗហើយ នរណា unfollow នរណា!!! ហើយវាយ៉ាងម៉េច? មិនមានកូនម្នាក់ណា unfollow ម៉ែទាំងអស់ គឺម៉ែជាប្លុកចោលដោយខ្លួនឯងទេ គ្រាន់តែប្លុកវើយ ប្លុកមិត្តភ័ក្ដកូននិងក្រុមការងារគ្រប់គ្នា ប្លុកច្រើនអាទិត្យមកហើយ ទើបតែឃើញមែន????? ព្រោះតែមិនចង់ឃើញ ឃើញហើយវាអត់ទ្រាំមិនពាក់ព័ន្ធមិនបាន ពាក់ព័ន្ធរឿងការងារកូន ពេលនេះម៉ែចង់សម្រាកពីការងារ តិចទៀតបើក IG ផ្ទាល់ខ្លួនហើយដើម្បីអោយវាឆាប់ចប់”
បន្ទប់មកក៏មានមួយប្រយោគទៀត “ឆ្គួតឡប់ទាំងអ្នកកាសែត និងអ្នកខមិន អញ្ជើញក្រុមត្រាវទៅផ្ទះផ្សេងទៀតទៅ”
អត្ថបទដោយ : នីត្តា