កាន់តែចាស់កាន់តែក្រអូប! Aff បើកចិត្តប្រាប់ពីឋានៈបេះដូងពេលនេះ….ចំលែកចិត្ត! មានអ្នកចូលមកផ្ដោះផ្ដងច្រើនចាប់តាំងពីចូលវ័យនេះមក! មានវីដេអូ
ជារឿងអាថ៌កំបាំងសម្រាប់រឿងរ៉ាវបេះដូងរបស់តារាស្រីកូនមួយ Aff Thaksorn ប៉ុន្ដែនៅក្នុងកម្មវិធី Hom Pak Hom Kho សម្របសម្រួលដោយ Tonhom Sakuntala ជាម្នាក់ដែលនាងស្និតស្នាលជាមួយបន្ទាប់ពីមានការសម្ដែងរឿងជាមួយគ្នា និងចេញកម្មវិធីខ្លះៗជាមួយគ្នា នៅក្នុងកម្មវិធីស្រីស្អាតទាំងពីរជជែកគ្នាពីរឿងប្រភេទបុរសបែបណាដែលម៉ាក់ Aff ស្រីស្អាតស្រម៉ៃចង់បាន និងអាចបន្ទន់បេះដូងម៉ាក់ៗអោយទោរទន់បាន
ហើយខាងសាម៉ីខ្លួន Aff បានប្រាប់ថា “តាមពិតទៅ តាំងតែពីក្មេងមក មិនដែលគិតទេថាត្រូវយកបុរសបែបណា មិនដែលគិតមិនដែលដាក់គោលដៅហើយត្រូវរកអោយដូចចិត្តនោះទេ យល់ថាបើជួបគឺជួបបើមែនគឺមែន អ្នកខ្លះជួបហើយតេក៏គ្មានអារម្មណ៍អ្វីទាំងអស់ ប៉ុន្ដែពេលបាននិយាយជាមួយហើយក៏មានអារម្មណ៍ថាល្អ ភាគច្រើនគឺសុទ្ធតែបែបនិង បើសួរថាតើមាននរណានៅក្នុងចិត្ត គឺតាំងតែពីក្មេង មិនដែលមានអារម្មណ៍ថា អូស្លាប់ហើយ ហេតុអ្វីម្នាក់នោះចង់បានជាសង្សាដល់ហើយ មិនដែលមាននោះទេ”
“សុំតែម្យ៉ាង ជាសុភាពបុរសចេះដាក់ខ្លួន មនុស្សប្រុសរ៉ូមែនទិកចូលចិត្ត ប៉ុន្ដែងចុងក្រោយបើមិនរ៉ូមែនទិកក៏មិនអីដែរ យ៉ាងអន់ណាស់សុំតែជាមនុស្សល្អ ស្មោះត្រង់ ផ្ដល់កិត្តយស រឿងនេះខ្ញុំថាវាសំខាន់ខ្លាំងណាស់ ហើយក៏ធំជាងរឿងរ៉ូមែនទិកដែរ តែបើមានក៏ល្អ ពេលនេះកាន់តែធំកាន់តែដឹងថា ភាពរ៉ូមែនទិក ឬភាពហ៊ឺហារ វាគ្រាន់តែជាផ្នែកតូចមួយទេ”
អត្ថបទដោយ : នីត្តា
