Baifern ដឹងបញ្ហារបស់ Nine-Moo មួយរយៈធំហើយជឿជាក់ថានិងអាចកាន់គ្នាឆ្លងផុតរឿងនេះបាន! មានវីដេអូ

នៅតែកាន់ដៃគ្នាដូចដើម សម្រាប់ទំនាក់ទំនងរបស់តារាស្រី Baifern Pimchanok ជាមួយមិត្តប្រុស Nine Napat ដោយខាងប្រុសទើបតែចេញមកអធិប្បាយទាក់ទងនិងបញ្ហាដែលបានកើតឡើង រវាងខ្លួននិងម្ដាយបង្កើត Moo Pimpaka កាលពីពេលថ្មីៗកន្លងទៅនេះ ជារឿងក្នុងគ្រួសារ ជាក់ស្ដែងដល់វេនខាងស្រី Baifern មកចូលរួមក្នុងកម្មវិធីទើបមានឱកាសបាននិយាយបកស្រាយចំពោះរឿងនេះម្ដងទៀត

“រឿងដែលបានកើតឡើងខ្ញុំក៏អូខេធម្មតាចា តាមពិតទៅក៏ដូចដែលគាត់ផ្ដល់បទសម្ភាសន៍អញ្ចឹង ខាងខ្ញុំគឺមិនមានបញ្ហាអ្វីជាមួយអ្នកម៉ាក់នោះទេ ហើយក៏បានដឹងរឿងនេះមួយរយៈធំដែលហើយ ក៏យល់ពីរឿងនេះគ្រប់យ៉ាង ពេលឃើញពត៌មានក៏មិនមានអ្វីភ្ញាក់ផ្អើលនោះទេ ដូចដែលបានប្រាប់បានដឹងរឿងនេះមុនហើយ ដឹងមុនពត៌មាននេះចេញផ្សាយទៅទៀត”

“តាមពិតទៅមុខកើតរឿងក៏សរសេរសារនិយាយជាមួយអ្នកម៉ាក់រហូត ក៏មានចូលទៅរកដល់ផ្ទះ ញុំបាយជាមួយគាត់ តាមធម្មតា ពេលមានរឿងផ្សព្វផ្សាយក៏បានចូលទៅរកគាត់ដូចគ្នា បុ៉ន្ដែមិនបានជួបគាត់ ចំពោះរឿងដែលបានកើតឡើងខ្ញុំមិនមានអ្វីមិនស្រួលចិត្តនោះទេ គ្រាន់តែបារម្ភប៉ុណ្ណោះ…..”

អត្ថបទដោយ : នីត្តា