រំភើបណាស់! រឿងភាគថ្មីរបស់ Lee Minho ចាប់ផ្ដើមថតជាផ្លូវការហើយ

កាលពីថ្មីៗ កន្លងទៅនេះ រឿងភាគថ្មីរបស់តារាសម្ដែងរូបស្រស់ថ្ពាល់ខួច Lee Minho ដែលមានចំណងជើងថា The King: The Eternal Monarch បានចាប់ផ្ដើមថតហើយ។ នេះបើយោងតាមប្រភពពត៌មាន Allkpop។

រឿងភាគដ៏ថ្មីស្រឡាងមួយនេះគឺជារឿងប្រភេទ សម័យបុរាណ ហើយក៏មានការចូលរួមសម្ដែងពីតារាស្រីរូបស្រស់ Kim Go Eun ដែលជាតួឯកស្រីក្នុងរឿងភាគដ៏ល្បី Goblin និងតារាសម្ដែងប្រុស Woo Do Hwan ផងដែរ។ ក្នុងនោះផងដែរ លោក Lee Minho នឹងត្រូវសម្ដែងជាតួអង្គព្រះរាជាដែលអង់អាចក្លាហាន ខណៈដែលតួឯកស្រី Kim Go Eun នឹងដើរតួជាអ្នកស៊ើបអង្កេតដ៏វ័យឆ្លាត។ រឿងភាគមួយនេះរំពឹងថានឹងអាចចាក់បញ្ចាំងនៅឆ្នាំក្រោយនេះហើយ។

គួរបញ្ជាក់ផងដែរ នេះជារឿងភាគដំបូងរបស់លោក Lee Minho ដែលបានសម្ដែងក្រោយពេលដែលត្រលប់មកពីបំពេញកាតព្វកិច្ចយោធា៕

អត្ថបទដោយ៖ ស្រីពេជ្រ