YG សុំកុំឲ្យអ្នកគាំទ្រទៅទទួល GD Taeyang និង Daesung ពីបំរើកងទ័ពក៏ព្រោះតែហេតុផលមួយ
ដូចដែលប្រិយមិត្តដែលជាអ្នកគាំទ្រវិស័យ Kpop ភាគច្រើនច្បាស់ជាបានជ្រៀបរួចមកហើយថា GD Taeyang និង Daesung ដែលជាសមាជិកក្រុមចម្រៀងដ៏ល្បី Big Bang បានកំពុងនូវបំពេញកាតព្វកិច្ចបំរើកងទ័ពជូនប្រទេសជាតិ ហើយ GD ក៏រំពឹងថាបញ្ចប់កាតព្វកិច្ចមួយនេះនៅថ្ងៃទី ២៦ ខែ តុលា ឆ្នាំ ២០១៩ ខណៈ Taeyang នឹងបញ្ចប់នៅថ្ងៃទី ១០ ខែ វិច្ឆិកា ឆ្នាំ ២០១៩ ហើយ Daesung នៅថ្ងៃទី ១១ ខែ វិច្ឆិកា ខាងមុខនេះ។
នេះបើយោងតាមប្រភពពត៌មាន Allkpop នឹងមានអ្នកគាំទ្រចំនួនប្រមាណជាង ២០០០ នាក់ ដែលមកពីប្រទេស ជប៉ុន ចិន និងកូរ៉េ ត្រៀមរង់ចាំទទួលតារាចម្រៀងប្រុសទាំង ៣ រូបនេះ នៅឯថ្ងៃដែលពួកគេត្រលប់មកវិញ។ ប៉ុន្ដែស្រាប់តែផលិតកម្មយក្ស YG បែរជាបញ្ចេញសារមួយសុំអ្នកគាំទ្រកុំឲ្យទៅទទួលពួកគេទៅវិញ។
ក្នុងសារនោះមានអត្ថន័យដូចតទៅ «សួស្ដីនេះគឺ ផលិតកម្ម YG, សេចក្ដីប្រកាសនេះគឺមានការទាក់ទងទៅនឹងការបញ្ចប់កាតព្វកិច្ចបំរើកងទ័ពរបស់ G-Dragon, Taeyang និង Daesung នៅខែតុលា និងវិច្ឆិកា។ ទីតាំងមូលដ្ឋានទាហានដែល G-Dragon, Taeyang និង Daesung កំពុងតែស្ថិតនៅ គឺត្រូវបានគេដឹងថាមានជំងឺផ្ដាសាយមួយប្រភេទដែលមានឈ្មោះថា African Swine Fever ។ ហេតុដូចនេះហើយ ដើម្បីសុវត្ថិភាព ក៏មានការសំណូមពរកុំឲ្យអ្នកគាំទ្រមកកាន់តំបន់នោះជាដាច់ខាត។ ចំពោះខាងអាជ្ញាធរក៏បានស្នើសុំបែបនេះដូចគ្នា ដូចនេះយើងក៏សុំចិត្តឲ្យអ្នកគាំទ្រទាំងអស់មេត្តាកុំទៅតំបន់នោះអី ដើម្បីសុវត្ថិភាព និងចៀសវាងការឆ្លងមេរោគនេះ។ យើងក៏សុំអរគុណទៅដល់ V.I.P (ឈ្មោះអ្នកគាំទ្ររបស់ BIGBANG) ដែលទន្ទឹងរង់ចាំការត្រឡប់មកវិញរបស់ G-Dragon, Taeyang និង Daesung ប៉ុន្ដែសូមអ្នកគាំទ្រទាំងអស់មេត្តាកុំទៅទីនោះឲ្យសោះ»។
អត្ថបទដោយ៖ ស្រីពេជ្រ