តួឯកស្រី Matt និយាយពីអារម្មណ៍ពិតលើកដំបូង ទទួលបានការស្អប់យ៉ាងនេះតើនាងខុសអី?

តើនាងខុសអ្វី ហេតុអ្វីត្រូវរងការស្អប់ទាំងនេះ? តួឯកស្រីនាង Matt Peranee បង្ហាញពីអារម្មណ៍ពិត ទាក់ទងនឹងរឿងរ៉ាវជីវិតកន្លងមករបស់នាង វាធ្វើឲរូបនាងបានទាំងបទពិសោធន៍ជីវិតនិងពិចារណារកឃើញពីចំណុចខ្វះខាតរបស់ខ្លួនកន្លងមកនិងយកមកកែប្រែឲកាន់តែប្រសើរជាងមុន។

ដោយតួឯកស្រី Matt Peranee ពេលនេះបានត្រលប់មកប្រឡូកក្នុងវិស័យការសម្ដែងឡើងវិញពេញដៃពេញជើងម្ដងទៀតហើយ ក្រោយពីចែកផ្លូវគ្នាជាមួយលោក Songkran។ ការពិតទៅរូបនាងក៏មិនដែលបោះបង់អាជីពជាតារានោះទេ គ្រាន់តែពេលនោះនាងនាងមានអារម្មណ៍ថារងសម្ពាធខ្លាំងពីការរិះគន់ ទាំងដែលខ្លួនមិនបានធ្វើអ្វីខុសផង ទើបនាងសម្រេចចិត្តឃ្លាតចាកមួយរយះ។ មួយរយះនេះមួយប្រព្រិចភ្លែកក៏៥ឆ្នាំបាត់ទៅហើយ ដល់ពេលបាត់បង់ទើបដឹងថាមានតំលៃ ពេលវេលា៥ឆ្នាំដែលគួរតែមានកាងារមានចំណូល នាងបានធ្វើឲប្រជាប្រិយភាពបាត់បង់ដោយហេតុការគិតមិនវែងឆ្ងាយនិងមិនឲតំលៃខ្លាំងលើអ្វីដែលខ្លួនមាន។កាលនោះនាងគិតតែខ្លួននាងមិនខុស គិតតែស្អប់ការរិះគន់ បន្ដិចម្ដងៗធ្វើឲរូបនាងបាត់បង់ឱកាសកាងារ បាត់បង់ជំហរខ្លួនឯង។  កន្លងមកមានពាក្យរិះគន់មានពាក្យចចាមអារ៉ាមពីរូបនាងជាច្រើន ដែលពេលខ្លះមិនមែនជាការពិតសូម្បីបន្ដិច តែនាងគួរតែតបតដោយការពិចារណាវែងឆ្ងាយជាងនេះ ពេលនេះរឿងកន្លងមកទុកជាមេរៀនជីវិត ហើយនាងនិងខំប្រឹងតស៊ូដើម្បីខ្លួនឯងនិងមនុស្សដែលស្រលាញ់នាងជាថ្មីទៀត។

ប្រភព៖ Sanook

អត្ថបទដោយ៖ ស្រីល័ក្ខ