មានតែចំណូលចូលគ្រប់់ច្រកចូលមកគ្រប់យ៉ាង បើហៅថាសេដ្ឋីនីក៏មិនខុសដែរ! តួឯកស្រីជើងចាស់នាង Nune Woranuch មកបង្ហាញមុខជំនួញថ្មីរបស់រូបនាងមួយទៀតហើយ ជំនួញមួយៗរបស់នាងសុទ្ធតែប្រើលុយធំនិងបានចំណូលវិញវាល់លាន។ មុននេះមានជំនួញគ្រឿងសម្អាង ផលិតផលថែទាំស្បែកនិងសម្រកទម្ងន់ ជំនួញហាងអាហារ ហាងកាហ្វេរ ពេលនេះតួឯកស្រី Nune Woranuch មានជំនួញថ្មីធ្វើជារីស៊តសម្រាកលំហែរនៅតាមកោះវិញម្ដង។
មានយកៗតែម្ដងសម្រាប់តួឯកស្រី Nune Woranuch ព្រោះមួយឆ្នាំមានតែចំណូលនិងពង្រីកមុខជំនួញ តែក៏បានមកពីការដែលរូបនាងខិតខំប្រឹងប្រែងឥតឈប់ផងដែរ។ កាងារការសម្ដែងជាតួឯកស្រីល្បីល្បាញក៏មមាញឹក ពេលនេះតារាស្រី Nune ក៏មកបន្ថែមមុខជំនួញថ្មីរបស់ខ្លួន ដោយការធ្វើជាម្ចាស់រីស៊តលំហែរកាយមួយកន្លែងនៅកោះលានប្រទេសថៃ។ ពេលនេះរីស៊តរបស់នាងកំពុងតែសាងសង់ និងបានថតបង្ហោះប្រាប់មិត្តអ្នកគាំទ្រដែលចង់់មកសម្រាកលំហែរឲបានដឹងនិងបានមកនៅថ្ងៃក្រោយផងដែរ។ តារាស្រី Nune មកមើលកាងារម៉ូតក្បាច់សាងសង់ដោយផ្ទាល់ និងឆ្លៀតពេលមកសម្រាកលំហែរនៅកោះ នាថ្ងៃឈប់សម្រាករបស់ខ្លួនផងដែរ។
គ្រប់គ្នាតែងសសើរវាសនាតួឯកស្រី Nune Woranuch ថាបានរៀបការជាមួយស្វាមីដែលស្រលាញ់និងជាកូនប្រសារសេដ្ឋី តែច្រើនឆ្នាំមកនេះ Nune បានបង្ហាញឲឃើញហើយថា រូបនាងផ្ទាល់ក៏ជាសេដ្ឋីក៏ជាអ្នកជំនួញស្រីដែលមានសមត្ថភាពនិងមានចំណូលខ្ពស់ដោយខ្លួនឯងបានផងដែរ។
ប្រភព៖ Sanook
អត្ថបទដោយ៖ ស្រីល័ក្ខ