ទើបនិយាយពីអតីតគិតខ្លីថ្ងៃមុន តួឯកស្រី Kwan Usamanee ប្រាប់ថាចង់រៀបការមានកូននឹងគេហើយ…
តួឯកស្រីនាង Kwan Usamanee ថ្ងៃមុននេះទើបរំលឹកពីអតីតកាលដែលនាងធ្លាប់ឆ្លងកាត់លើវិថីសិល្បៈរងសម្ពាធរហូតចង់គិតខ្លី ថ្ងៃនេះមកនិយាយពីអនាគតរបស់នាងវិញម្ដង នាងគិតចង់មានគ្រួសារហើយឃើញគេធ្វើជាអ្នកម្ដាយនាងក៏ចង់មានកូនមានគ្រួសារដ៏កក់ក្ដៅមួយខ្លួនឯងផងដែរ។
តួឯកស្រី Kwan Usamanee អាចចាត់ជាតារាសម្ដែងស្រីជើងចាស់ក្នុងវិស័យសិល្បៈថៃ ថ្វីត្បិតតែអាយុរ៣៥ឆ្នាំ អាយុរនាងមិនច្រើនមុខនាងមិនចាស់ក៏ពិតមែន តែនាងមានបទពិសោធន៍លើវិថីនេះតាំងតែពីរក្មេង នាងចូលសម្ដែងមុនពេលចូលសាលាផង។ ជាតារាដែលមានកេរ្ដិ៍ឈ្មោះ មានអ្នកស្រលាញ់ក៏មានអ្នកស្អប់ផងដែរ Kwan ធ្លាប់ខ្វល់ពីមតិមហាជនជាខ្លាំង មានម្ដងនោះរូបនាងរងការរិះគន់ខ្លាំងៗពេលនាងបានអានហើយធ្វើឲនាងធ្លាក់ទឹកចិត្តគិតខ្លីលែងចង់រស់នៅ តែជាសំណាងល្អបានពាក្យរបស់ម៉ែជាអ្នកលើកទឹកចិត្តនាងឡើងវិញឲរឹងមាំឡើងវិញ។ តួឯកស្រី Kwan ក៏បាននិយាយពីរឿងអនាគតរបស់នាងផងដែរ នាងបានឲដឹងថានាងគិតថាអាយុររបស់នាងដល់វ័យមានគ្រួសារហើយនាងព្រមនឹងរៀបការហើយ បើបានជួបអ្នកដែលស្រលាញ់នាងពិតប្រាកដ។ នាងសសើរអ្នកដែលជាម្ដាយគេខ្លាំងណាស់ ហើយខ្លួននាងក៏ចង់មានកូនចង់ដឹងពីអារម្មណ៍ពិតដែលបានក្លាយជាម្ដាយគេផងដែរ។ ឆ្លងកាត់ស្នេហាប្រះឆារច្រើនលើក ពេលនេះមិនបានគិតចង់បានបុរសដែលមានឋានះល្អ មានឈ្មោះល្បីនោះទេឲតែស្រលាញ់នាងពិត និយាយដល់ត្រង់នេះ Kwan ក៏សើចបន្ដិចហើយបន្ដថា សុំត្រឹមមុខមាត់សង្ហារសមរម្យបន្ដិចហើយចាំនាងរកស៊ីចិញ្ចឹមក៏បាន។
ប្រភព៖ Sanook
អត្ថបទដោយ៖ ស្រីល័ក្ខ