YG បញ្ជាក់! Jisoo BLACKPINK ចែកផ្លូវគ្នាជាមួយ Ahn Bohyun ដែលទើបបើកបង្ហាញខ្លួន! មានរូបភាព
ក្លាយទៅជាប្រធានបទក្ដៅភ្លាមៗនៅក្នុងបណ្ដាញសង្គមរបស់ប្រទេសកូរ៉េខាងត្បូង ដោយជាក់ស្ដែង (24 តុលា 2023) បណ្ដាញសង្គមកូរ៉េបានចេញមករាយការណ៍ពត៌មានចែកផ្លូវគ្នារបស់គូរស្នេហ៍ល្បីឈ្មោះយ៉ាង Jisoo BLACKPINK ជាមួយកំលោះរូបសង្ហា Ahn Bo Hyun
បើតាមពត៌មានផុសចេញមកនេះបានបញ្ចាក់ថា “ទំនាក់ទំនងរបស់ Jisoo ជាមួយ Ahn Bo Hyun ចាប់ផ្ដើមប្រងើយកន្ដើយបន្ទិចម្ដងៗហើយ ព្រោះអ្នកទាំងពីរសុទ្ធតែរវល់និងការងាររៀងៗខ្លួនហើយទីបំផុតទាំងពីរនាក់ក៏ទើបតែសម្រេចចិត្តបែកផ្លូវគ្នារួចរាល់ហើយ”
ខណៈពេលដែលខាង YG Entertainment អ្នកគ្រប់គ្រងរបស់ BLACKPINK ក៏បានចេញមកអះអាងចំពោះពត៌មានខាងលើជាផ្លូវការដែរថា “ជាការពិតដែល Jisoo និង Ahn Bo Hyun បែកគ្នា”
ទាំងអស់នេះ Jisoo និង Ahn Bo Hyun ទើបតែបើកបង្ហាញខ្លួនថាកំពុងមើលចិត្តគ្នាកាលពីខែ សីហាកន្លងមកនេះ នៅក្រោមការចាប់អារម្មណ៍ពីមហាជន ក៏មានរូបភាពរបស់អ្នកទាំងពីរណាត់ជួបគ្នាអំឡុងពេលដែល Jisoo ត្រឡប់មកប្រទេសកូរ៉េវិញ បន្ទាប់ពីដំណើរប្រគុំតន្ត្រីក្រៅប្រទេសរបស់នាង មុនពេលស្នេហាបញ្ចប់
អត្ថបទដោយ : នីត្តា
