អ្នកគាំទ្រភ្លឹកអស់ស្មារតី! ក្រោយឃើញ Lee Minho តែងខ្លួនដូចព្រះរាជបុត្រ

កាលពីថ្ងៃទី ៣០ ខែ តុលា ឆ្នាំ ២០១៩ កន្លងទៅនេះ រូបភាពជាច្រើនសន្លឹករបស់តារាសម្ដែងប្រុសថ្ពាល់ខួចលោក Lee Minho ត្រូវបានបែកធ្លាយ ដែលរូបភាពទាំងអស់នោះសុទ្ធសឹងតែជារូបភាពរបស់លោកកំពុងថតរឿងភាគថ្មីដែលមានចំណងជើងថា «The King: The Eternal Monarch» ។

គ្រាន់តែរូបភាពនេះត្រូវបានចែកចាយភ្លាម អ្នកគាំទ្រជាច្រើនរបស់តារាប្រុសរូបនេះ បានបង្ហាញនូវក្ដីរំភើបជាខ្លាំង មិនតែប៉ុណ្ណោះថែមទាំងបញ្ចេញមតិសរសើរលោកមិនដាច់ពីមាត់ថា តារាប្រុសរូបនេះពិតជាសង្ហារខ្លាំង ក្នុងរូបភាពនោះបានបង្ហាញឲ្យឃើញតារាប្រុសរូបនេះ ស្លៀកសំលៀកបំពាក់ដូចជាព្រះអង្គម្ចាស់ដែលជិះនៅលើសេះពណ៌ស។ គួររំលឹកផងដែរថា រឿងភាគដ៏ថ្មីស្រឡាងមួយនេះអាចនឹងចាក់បញ្ចាំងពាក់កណ្ដាលឆ្នាំក្រោយនេះហើយ៕

អត្ថបទដោយ៖ ស្រីពេជ្រ