គួរឲ្យច្រណែន! ជីវិតស្នេហារបស់ Zhao LiYing និងស្វាមីផ្អែមល្ហែមកក់ក្ដៅខ្លាំង
ដូចដែលប្រិយមិត្តដែលជាអ្នកគាំទ្រតារាស្រី Zhao LiYing បានដឹងរួចមកហើយថា នាងបានរៀបការជាមួយស្វាមីរបស់នាង លោក Feng Shao Feng កាលពីឆ្នាំ ២០១៨។ មិនតែប៉ុណ្ណោះ ពួកគេទាំងពីរថែមទាំងទទួលបានចំណងដៃ កូនប្រុសដ៏គួរឲ្យស្រលាញ់មួយរូបថែមទៀតផងកាលពីខែ មីនា កន្លងទៅនេះ។
កាលពីថ្មីៗ កន្លងទៅនេះ នៅក្នុងកម្មវិធី Adventure Life ស្វាមីរបស់តារាស្រីរូបនេះលោក Feng Shao Feng ក៏បានប្រាប់ឲ្យដឹងថា នៅពេលណាដែលលោកមានសម្ពាធខ្លាំង និងពិបាកចិត្តរហូតដល់មានពេលខ្លះទ្រាំមិនបានក៏យំ ភរិយារបស់លោក Zhao LiYing តែងតែនៅក្បែរលួងលោមលោក ថែមទាំងប្រាប់ដល់លោកថា ឲ្យសំលឹងមើលទៅកូនប្រុសដ៏គួរឲ្យស្រលាញ់របស់ពួកគេ ព្រោះរូបគេជាកំលាំងចិត្តរបស់ប្ដីប្រពន្ធមួយគូនេះ លោកក៏បានបន្ដទៀតថា ពេលដែលធ្វើតាមអ្វីដែលភរិយាលោកប្រាប់ ទុក្ខសោករបស់លោកក៏រំសាយបាត់អស់៕
ប្រភព៖ Dramapanda
អត្ថបទដោយ៖ ស្រីពេជ្រ