Angelababy ត្រូវមហាជនរិះគន់យ៉ាងចាស់ដៃក្រោយប្រទះឃើញនាងជក់បារី

ដូចដែលប្រិយមិត្តបានដឹងរួចមកហើយថា Angelababy គឺជាតារាស្រីលំដាប់ជួរមុខមួយរូបរបស់ប្រទេសចិន។ ថ្មីៗ នេះ តារាស្រីរូបស្រស់នេះ កំពុងតែត្រូវបានការរិះគន់យ៉ាងចាស់ដៃតែម្ដងពីមហាជន បន្ទាប់ពីត្រូវគេថតបាន តារាស្រីរូបស្រស់នេះឈរជក់បារីនិយាយជាមួយមិត្តភក្ដិរបស់នាងដោយមិនខ្វល់ពីអ្វីទាំងអស់នៅកន្លែងបរិភោគអាហារមួយនៅទីក្រុងសៀងហៃ។

ជាការពិតទៅ នេះមិនមែនជាលើកទី ១ នោះទេ ដែលគេប្រទះឃើញតារាស្រីរូបនេះជក់បារី ពោលគឺក្នុងឆ្នាំ ២០០៨ នាងធ្លាប់ត្រូវគេចាប់បានថា ជក់បារី ម្ដងរួចមកហើយ ប៉ុន្ដែក្រោយមកនាងក៏សន្យាថានឹងឈប់ជក់តទៅទៀតហើយ។

បន្ទាប់ពីបានឃើញរូបភាពដែលនាងជក់បារី មហាជនជាច្រើនក៏បានបញ្ចេញមតិថានាងផ្ដាច់ការជក់បារីមិនបានទេ។
គួររំលឹកផងដែរថា ការជក់បារីនៅទីសាធារណៈគឺជាទង្វើខុសច្បាប់នៅក្នុងប្រទេសចិន យ៉ាងណាមិញ គេក៏មិនទាន់បានឃើញតារាស្រីរូបនេះចេញមុខមកបកស្រាយនោះទេ៕

ប្រភព៖ Koreaboo

អត្ថបទដោយ៖ ស្រីពេជ្រ