ដៃគូតារា James Jirayu និង Bella Ranee ប៉ះគ្នាទៀតហើយ លើកនេះមកប្លែកខុសពីរឿងមុនៗរបស់អ្នកទាំងពីរ…
គូនេះជួបគ្នាម្ដងទៀតហើយ ដៃគូតារាដែលធ្លាប់ល្បីល្បាញសម្ដែងរួមគ្នាក្នុងរឿងភាគជាច្រើនរឿង តួឯកប្រុសលោក James Jirayu និងតួឯកស្រី Bella Ranee ត្រលប់មកចាប់ដៃគូសម្ដែងរួមគ្នាម្ដងទៀត នៅក្នុងរឿងភាគថ្មី សាច់រឿងថ្មីរបស់អ្នកទាំងពីរ។ ដោយលើកនេះ Bella មិនមែនមកបែបសុភាពៗនោះទេ តែនឹងមកជាតួឯកស្រីមាននិស្ស័យកំប្លុកកំប្លែង ដៃគូជាមួយ James Jirayu ដែលជាមន្រ្ដីរាជការថ្នាក់ខ្ពស់ ធ្វើឲដៃគូចាស់គូនេះ មានស្នាដៃថ្មីមកបង្ហាញរួមគ្នាទៀតហើយ។
ដោយរឿងភាគថ្មី ដែលតួឯកស្រី Bella Ranee និងតួឯកប្រុសលោក James Jirayu ចាប់ដៃគូសម្ដែងរួមគ្នាសម្រាប់ចុងឆ្នាំ២០២៤នេះ មានចំណងជើងថា เจ้าคุณพี่กับอีนางคำดวง ជាសាច់រឿងបែបបុរាណតែមានភាពកំប្លុកកំប្លែង ដោយតួឯកប្រុសគឺជាមន្រ្ដីរាជការវ័យក្មេងថ្នាក់ខ្ពស់ ជួបជាមួយតួឯកស្រីដែលជាកូនថៅកែលក់ក្របីនៅជនបទ ដែលមានទាំងភាពក្លាហាននិងគួរឲអស់សំណើច។ ពេលនេះរឿងភាគថ្មីនេះកំពុងត្រៀមថតហើយ ដែលតារាដែលរួមសម្ដែងក៏បានជ្រើសរើសរួចរាល់ហើយផងដែរ ចាំមើលថាតើរឿងភាគថ្មីនេះ Bella និង James Jirayu មានស្នាដៃខុសពីរឿងមុនៗយ៉ាងណាដែរ? ដៃគូចាស់តែប៉ះជាមួយសាច់រឿងបែបថ្មីនេះ មានតែរង់ចាំទស្សនានៅចុងឆ្នាំទាំងអស់គ្នា។
ប្រភព៖ Sanook
អត្ថបទដោយ៖ ស្រីល័ក្ខ