Bella Ranee និយាយលម្អិតរឿងជួប Will Chawin លើកដំបូងនិយាយយ៉ាងម៉េចបានតាមជាប់រហូតបែបនេះ! មានរូបភាព

ជាគូស្នេហ៍តារាល្បីឈ្មោះដែលហ្វេនៗតាមដានខ្លាំងតាំងតែបើកបង្ហាញខ្លួនថាកំពុងមើលចិត្តគ្នា សម្រាប់គូររបស់តួឯកស្រី Bella Ranee ជាមួយនិងអ្នកជំនួញត្រកូលខ្ពស់ Will Chawin ដោយមុននេះសាម៉ីខ្លួនក៏បានប្រាប់ខ្លះដែរថាអ្នកទាំងពីរជួបគ្នានៅលើយន្ដហោះ វាពិតជាព្រហ្មលិខិតកំណត់ពិតមែន

ជាក់ស្ដែង (7 សីហា 2024) Bella បានចេញមកបើកចិត្តនិយាយលំអិតចំពោះស្នេហាថ្មីនេះដោយមិនលាក់លាមក្នុងឡាយរបស់ផេក  Pananchita Thailand ដោយនាងរៀបរាប់ថា

“ថ្ងៃនោះចៃដន្យអង្គុយកៅអីជាប់គ្នា ជាជើងហោះហើរដែលមានកៅអីជាប់គ្នាហើយត្រូវចែកគ្នាអង្គុយ វាពិតជាជិតគ្នាខ្លាំងណាស់ មូលហេតុដោយសារតែជើងហោះហើរត្រូវបានពន្យាពេល ទើបយើងបាននិយាយគ្នា ប៉ុន្ដែក្នុងថ្ងៃនោះខ្ញុំពាក់មួកពាក់ម៉ាស់ព្យាយាមបិទបាំងខ្លួន ព្រោះមិនបានតុបតែងមុខ ដល់ពេលយន្ដហោះពន្យាពេលទើបខ្ញុំដោះមួក

ហើយគាត់ក៏សួរជាភាសាអង់គ្លេសថាយន្ដហោះពន្យាពេលមែនទេ ហើយពេលនោះគាត់ពាក់កាសត្រជចៀក ខ្ញុំក៏ឆ្លើយវិញថា មែនហើយ ហើយប្រាប់ទៀតថាប៉ុន្ដែជើងហោះហើរពីប្រទេសមិនពន្យាពេលយូរនោះទេ ទើបគាត់សួរទៀតថាជាជនជាតិថៃមែនទេ ខ្ញុំក៏ជាជនជាតិថៃដូចគ្នា

ក្រោយមកទៀតក៏និយាយគ្នាត ព្រោះគាត់ពូកែបបួលនិយាយណាស់ គាត់សួរថាមកប្រទេសនេះមកដើរលេងមែនទេ មកញឹកញាប់អត់ ជួយណែនាំបន្ទិចបានទេ ពេលនោះខ្ញុំទៅដើរលេងនៅប្រទេសកូរ៉េជាមួយមិត្តភ័កិ្ដ ខ្ញុំទៅដើរលេងបែបស្រីៗទើបណែនាំកន្លែងផឹកកាហ្វេអោយគាត់

បន្ទាប់ពីនិយាយគ្នាបានមួយសន្ទុះគាត់ក៏សួរថាខ្ញុំធ្វើការអ្វី គឺគាត់ពិតជាមិនស្គាល់ខ្ញុំពិតមែន ហើយខ្ញុំក៏ចេះតែនិយាយរឿងនេះរឿងនោះ ព្រោះគិតថាល្អខ្លាំងណាស់ទើបមិនប្រាប់គាត់ ប៉ុន្ដែនៅពេលយន្ដហោះចុះចតយើងក៏ចុះព្រមគ្នា ត្រូវដើរទៅកន្លែងឆ្លងកាត់ជាមួយគ្នា ខ្ញុំក៏សួរគាត់ថាមានសង្កេតឃើញអ្វីអត់ រួមក៏ចង្អុលទៅរូបផ្សព្វផ្សាយអោយគាត់ឃើញ ទើបប្រាប់គាត់ទៅថាយើងជាតារា ហើយគាត់ក៏ទៅរាវរកក្នុង IG មើលទើបដឹងថាខ្ញុំនិយាយជាការពិត ហើយពេលនោះខ្ញុំក៏ដឹងថាគាត់ពិតជាមិនស្គាល់តារាមែន

គាត់ស្គាល់តែតារាម្នាក់គត់គឺបង Natalie ព្រោះជាសាច់ញាត្តិគាត់ ព្រោះគាត់មិនដែលមើលទេ ហើយក៏មានអ្នកសង្ស័យច្រើនណាស់ ស្លាក់ធំៗ ផ្លាកផ្សព្វផ្សាយជាច្រើនទៀត មិនធ្លាប់ឃើញខ្លះទេអី តែអ្នកមិនចាប់អារម្មណ៍គឺមិនបានមើលពិតមែន

អ្វីដែលសំខាន់ជើងហោះហើរនោះគឺធ្វើដំណើរតែម្នាក់ឯងជាលើកដំបូង ត្រលប់មកវិញម្នាក់ឯង ចំណែករឿងមិនព្រមប្ដូរកៅអីព្រោះតែពេញទាំងអស់” ក្រោយមកពិធីករក៏បន្ថែមថានេះពិតជាព្រហ្មលិខិតអ្នកកំណត់មែន គ្រប់យ៉ាងគឺស្របពេលទាំងអស់

ហើយខាងអ្នកគាំទ្រក៏ប្រាប់ថារ៉ូមែនទិកខ្លាំងណាស់ នេះបានសមតម្លៃដែលអ្នកនាងការ៉ាកេតគួទទួលបាន ព្រហ្មលិខិតកំណត់អោយមកជួបលោកបងរូបពិតសម្លេងពិតនៅក្នុងជីវិតពិត

អត្ថបទដោយ : នីត្តា