ក្នុងផ្ទះគួតែដឹងថានរណាធំហើយ! អូន Gale បង្រៀនក្បាច់ថតម៉ូដដ៏ទាក់ទាញដល់ម៉ាក់ Chompoo តូចប៉ុណ្ណឹងទេតែតឹងរឹងជាងម៉ាក់ខ្លាំងណាស់រឿងការងារ! មានរូបភាព

មានបទពិសោធន៍ក្នុងវិស័យសិល្បៈជាង 20 ឆ្នាំសម្រាប់ Chompoo Araya បច្ចុប្បន្ននេះក្លាយជាអ្នកម៉ាក់កូនបីហើយតែរឿងសម្រស់និងសមត្ថភាពនៅតែលេចធ្លោរគ្មាននរណាម្នាក់អាចផ្ដួលរំលំបានឡើយ

ប៉ុន្ដែមួយរយៈក្រោយមកនេះឃើញតំណែងរបស់ម៉ាក់ៗដូចជាមិនសូវនឹងនរដូចពេលមុនទៀតទេ ព្រោះតែមាននាងតូចយ៉ាងអូន Gale កំពុងតែមកជំនួសកន្លែងហើយ ទាំងរឿងគួអោយស្រលាញ់ធ្វើអោយគ្រប់គ្នាខ្នាញ់ពេញប្រទេស សូម្បីតែ lisa នៅតែលង់ស្នេហ៍ ស្ងាត់មករកដល់ផ្ទះ

ហើយថ្មីៗនេះ Chompoo ក៏បានទៅថតម៉ូដអោយប្រេនល្បីមួយ ដោយសារតែនាងមានជំនាញលើវិស័យម៉ូដែលនេះយូរឆ្នាំដូច្នេះហើយរឿងស្ទាយថតគឺមិនអោយខកចិត្តនោះទេ  មិនថាឆ្វេងស្ដាំ មុខក្រោយសុទ្ធតែមិនអាចនិយាយថាទេចំពោះរូបនាង

ប៉ុន្ដែលើកនេះមើលទៅដូចជាម៉ាក់ៗយកគ្រូបង្វឹកមកតាមជាមួយទៀត ចាំផ្ដល់កំលាំងចិត្ត ចាំបង្រៀនស្ទាយថតរូបក្បែរៗកាយជានិច្ច មើលម៉ាក់ហើយមើលកូនគឺដូចគ្មានខុសទាល់តែសោះ ទៅដល់ទីណាលួចយកបេះដូងគេមកជាមួយគ្រប់ពេលតែម្ដង

អត្ថបទដោយ : នីត្តា