ដៃគូចាស់! ខានជួបគ្នាយូរតារាថៃប្រុស Pong Nawat និយាយបែបនេះទៅ Nune រំភើបណាស់!
ជាការពិតណាស់ ប្រិយមិត្តដែលនិយមតាមដានរឿងភាគថៃប្រាកដជាស្គាល់ហើយ តារាសម្ដែងថៃប្រុសលោក Pong Nawat និង តារាស្រី Nune Woranuch ដែលកន្លងមកអ្នកទាំងពីរបានចាប់ដៃគ្នាសម្ដែងរឿងភាគជាច្រើនជាមួយនិងគ្នា ហើយក៏ទទួលបានការគាំទ្រខ្លាំងផងដែរ។
ជាក់ស្ដែងកាលពីពេលថ្មីៗនេះ អ្នកទាំងពីរបានធ្វើឲ្យមហាជននិងអ្នកគាំទ្រជាច្រើនភ្ញាក់ផ្អើលម្ដងទៀត ក្រោយពេលដែលគ្រប់គ្នាបានឃើញលោក Pong Nawat បង្ហោះរូបភាពប៉ុន្មានសន្លឹកជាមួយនិងតារាស្រី Nune និងពោលពាក្យសរសើរយ៉ាងដូចេ្នះទៀតថា៖ «ខានជួបគ្នាយូរហើយ Nune នៅតែស្រស់ស្អាតដូចកាលពីមុនដដែល»។
ក្រោយពេលឃើញសារមួយនេះភ្លាម មិនថាតារាស្រី Nune នោះទេ សូម្បីតែអ្នកគាំទ្រជាច្រើនរបស់អ្នកទាំងពីរ ក៏សម្ដែងអារម្មណ៍រំភើបចិត្តយ៉ាងខ្លាំងផងដែរ ពេលលឺដៃគូចាស់សរសើរចំៗបែបនេះទៅ Nune៕
អត្ថបទដោយ៖ស៊ីវលី